يا مسافر وحدك

عباره من اللى بيغرقوا

2010-11-05T06:55:00.001+03:00

عندى خطاب عاجل إليك

2010-09-28T13:18:00.003+03:00

حد قاللك خاف؟

2010-09-14T07:34:00.000+03:00

وفينك؟

2010-07-23T07:38:00.001+03:00

كل شئ بينسرق منى

فكر بغيرك

2010-07-22T07:50:00.000+03:00

قلب فارس

2010-05-22T03:23:00.003+03:00

قلبى شبه سيفى درعى عشر آيات, لون خيلى من طيفى ثابت حتى الممات, دور كده جواك هتلاقى فيك منى, هتلاقى فيه جواك فارس ومستنى, يرمح على خيله ويقيد ظلام ليله, نور ربه ده دليله.. لو مرة ضل وتاه.. نور ربه ده دليله لو مرة ضل وتاه, اهدنى يا الله

يا حلوه يا بلدنا يا نيل سلسبيل

2010-04-18T07:29:00.001+03:00

شوفوا الفيلم القصير ده, مصر بعين حلوه قوى

عزله

2010-04-12T21:42:00.000+03:00

كل ما حولى ومن حولى يدفعنى للعزله. قبل ذلك كانت "وليسعك بيتك" هى الملاذ, أما وقد أصبح البيت كخارجه تماما فلم يبق الا استخراج جواز السفر فى أقرب فرصه, فلنجرب" ألم تكن أرض الله واسعة فتهاجروا فيها".ه

الدرس ما انتهاش, اوعوا تلموا الكراريس, اوعوا تنسوا

2010-04-08T20:17:00.002+03:00

كى لا ننسى

الثامن من ابريل 1970 - الثامن من ابريل2010

اقرأ هنــــــــــــــــــــا

استمع هنـــــــــــــــا

عبد المنعم رياض

2010-03-10T21:05:00.002+03:00

يا أشرفَ القتلى، على أجفاننا أزهرتْ

الخطوةُ الأولى إلى تحريرنا

أنتَ بها بدأتْ

يا أيّها الغارقُ في دمائه

جميعهم قد كذبوا.. وأنتَ قد صدقت

جميعهم قد هُزموا

ووحدكَ انتصرتْ

- نزار قباني -

للبيت ربّ

2010-03-02T03:02:00.002+03:00

يحميه, ويسامحنا

هل أنت فاسد؟

2010-01-21T03:31:00.001+03:00

من الناس من يشكك فى وجود الشيطان أصلاً ويعتبرون أن شيطاننا هو أنفسنا أو رغباتنا وميلنا البشرى نحو شهوة العصيان, ولولا أن الشيطان حقيقة مؤكدة بالقرآن لكنت قد صدقت ذلك. ة

كثيراً ما أسأل نفسى إن كانت هناك ثوابت بالفعل أم أن الكبر يمنعنا من الاعتراف بخطأ تصوراتنا وقناعاتنا؟ وإن كانت الثوابت موجودة فهل هى نسبية أم مطلقة؟ هل يصح ان نقول عن شئ ما أنه ثابت ونسبى فى آن واحد؟ لا أدرى.ة

فى اليومين الماضيين ضبطت نفسى متلبسا بالفرح حين خسرت الجزائر أولى مبارياتها وبالحزن حين تاهلت للدور الثانى فى البطولة, شعرت بالخجل الشديد من نفسى وبالحيرة أيضا, ألست من المؤمنين بالعروبة والقومية كما أردد دوماً, هل أعيش بشخصيتين أصدر إحداهما للآخرين بينما أكمل حياتى بالأخرى؟ عندى يقين أتمنى أن يكون حقيقيا وهو أننى لست منافقاً, ماهو التفسير إذن؟ة

ربما يرى البعض أن الأمر تافه ولا يزيد عن كونه مجرد رأى فى مباراة كره, لكنى أراه ازمة حقيقيه, هل الإعلام هو الشيطان فعلا؟ هل نجحوا فى تسميم أفكارى وأنا من يرى نفسه عاقلا لا يمكن أن يزحزحه عن "ثوابته" كائن من كان؟ وإن كانوا قد نجحوا فى هذه فما يدرينى أنهم لن ينجحوا -أولم ينجحوا- فى غيرها؟ة

كثيراً ما أقول لنفسى حين يدور حديث عن الفساد والفاسدين امامى- وما اكثرهم – ان الفاسد لم يولد فاسداأ وربما كان فى شبابه مثالياً ويكره الفاسدين أيضا, فمن الذى أفسده؟ وكيف ذلت قدمه؟ إن الفساد فى رأيى ليس بالضرورة أن يكون سرقة أو رشوة او استغلالاً للنفوذ, بل من الممكن أن يقتصر على الزيف, زيف الشخصية وزيف الأفكار والمعتقدات, حيت تروج لمعتقد ثم تبيعه عند أول اختبار فأنت فاسد, حين تنتقد ما تراه انحرافا ثم تأتيه حين تضعك الظروف فى طريقه أو تضعه فى طريقك فأنت فاسد, حين لا تشعر بالدهشة ويصيبك الدوار وأنت تتابع أخبار الفساد وأهله فأنت فاسد حتى فى ظل قناعتك بأنه فساد, لم لا والفاسد نفسه يدرك أن ما يقوم به هو فساد.ة

لا أدرى إن كان ما كتبت تساؤلات طبيعيه من شخص يدعو الله أن يخرجه من الدنيا لا له ولا عليه أم أنها سوداوية فى غير محلها وانعكاس لحالة من القلق والاضطراب تلازمنى منذ فترة حتى ظننتها لن تنتهى, لا أعرف الإجابة ولا أملك سوى أن أسأل الله السلامة.

العتاب بعض الحب

2009-12-16T02:37:00.001+03:00

العتاب بعض الحب, ومن يستحق عتابك هو من يستحق حبك فقط.ه

والاختيار الأمثل سوى العتاب مع من لا يستحق ليس أن تكتم حزنك بسببه أو حنقك عليه وإنما أن تنساه, أن تخطو على تجربتك معه تجاه من يليق بك أكثر.ه

ملائكيه

2009-07-29T10:55:00.000+03:00

أحبته حتى نبت لها جناحان وأحبها حتى تطهر من ذنوبه كلها

خطاب إلى - لا مؤاخذه - الأمه

2009-07-25T04:02:00.002+03:00

من زمان كنت واخد عهد على نفسى انى ما ادخلش فى جدل مش هيجيب نتيجه, ولا اناقش امور تستهلكنى فى حين ان الزمن وحده كفيل بحسمها لاقتناعى بأن معظم ان لم يكن كل ما يشغل وقت واذهان الناس حاليا وممكن يكون سبب فى صراعات ومشاحنات كتير هيبقى بعد وقت قصير جدا مجرد شئ عادى نمر عليه مرور الكرام.ه

الكلام ده ينطبق على مناقشة ما اعتبره من المسلمات والثوابت لان مجرد انى اقبل المناقشه فى ثوابتى او الانشغال بتوضيح ما هو واضح يعتبر خطوه للخلف واستهلاك للنفس من غير فايده حتى لو قدرت انتصر لوجهة نظرى فى النهايه.ه

بس احيانا فيه مواقف بتفرض عليا انى اتكلم ومبقدرش امسك نفسى الصراحه, زى مثلا لما كنت بشتغل فى نادى كبير جدا فى مدينة نصر وكان فيه سيده محترمه بتيجى العياده تقريبا كل يوم وبالتدريج بدأ يبقى فيه بينا كلام فى امور مختلفه وكعادة المصريين الايام دى لازم الكلام ياخدنا لظروف البلد واحوالها, بالمناسبه محدش عاجبه حال البلد حتى مدام سلوى دى اللى ممكن أى حد يشوفها فى مستواها الاجتماعى اللى هى فيه ويكفى كمثال عضويتها فى اكبر اندية مصر ممكن يفتكر ان حال البلد عاجبها جدا جدا, بس كلامها كان بيقول ان الحال مش عاجبها وبغض النظر هو مش عاجبها ليه مره قالتلى عارف مين السبب فى اللى احنا فيه, وبغض النظر برضه ايه اللى هى فيه قلتلها مين؟ قالتلى جمال عبد الناصر.ه

انا لقيت نفسى مضطر اقولها ما معناه انه بعيدا عن السياسه والايديولوجى فانا عندى رد شخصى على كلامك وهو انه لولا عبد الناصر مكنتش هكون قاعد معاكى دلوقتى فى مكان زى ده, لان سبب وجودى هنا هو مهنتى اللى هى كل ما املكه حاليا فى بلد ما بعد عبد الناصر, وانه انا وصلت لمهنتى بالتعليم وانه منطقى انى اعترف بفضل اللى كان سبب فى انى اتعلم انا وكتير غيرى(ممكن تكون هى منهم على فكره) زى ماكان سبب فى ان جدى الفلاح يبقى عنده ارض يعيش منها واللى كان سبب اننا اترحمنا من بوس الايادى لفتره معينه على الاقل قبل ما نرجع نبوسها تانى(مشوها الايادى معلش). وانه الراجل مات من 40 سنه وهى فتره كافيه جدا انه اللى هو بوظه يعنى كان يتصلح ونبقى ميت فل وكده يعنى, بس احنا مش فاضيين.ه

انا مش ناصرى ولا اعرف اصلا ماهى الناصريه لانى اعتقد ان المبادئ اللى ناصر نادى بيها ماكانتش من اختراعه واكيد كانت موجوده قبله وهى قيم انسانيه نبيله سواء نجح فى تحقيقها او لا, كل اللى اعرفه انى معترف بالجميل وبس, وانى بحبه بصفه شخصيه حب انسانى مش ممكن يخضع لاعتبارات سياسيه ولا يكون محل جدل او نقاش.ه

موقف تانى من 3 ايام فى المستشفى لقيت واحد زميلى مشغل على موبايله خطبه للسادات, انا استغربت شويه وقلتله اول مره اشوفها دى, قاللى انا من قريه جنب ميت ابو الكوم ومدرستى كانت فى ميت ابو الكوم ولو دخلت اى بيت هناك هتلاقى صوره للسادات مع صاحب البيت او ابوه او جده, قلتله بس ده دور العمده مش دور رئيس الدوله, قاللى احنا فى السبعينات بلدنا كانا فيها سنترال دولى, قلتله طب واحنا بلدنا كان فيها ايه؟ مش هو رئيس مصر ولا رئيس بلدكوا بس؟ سكت شويه وقاللى كفايه انه حرر سينا, قررت بقى انى اسكت خالص وما افتحش على نفسى وجع الراس, اصلى معرفش ايه رد فعله لو قلتله وهى سينا اتحررت امتى؟ه
بمناسبة السادات الليله منى الشاذلى عملت تقرير عن النشيد الوطنى وقالت ان السادات غير النشيد اللى كان بيقول والله زمان يا سلاحى لانه بقى غير مناسب لعهد السلام اللى بدأ بعد كامب ديفيد(استغفر الله العظيم).ه
بالمناسبه برضه كل سنه وكل اللى بيحتفل بالثوره طيب, وزى ماحنا عارفين ان مافضلش منها غير يوم الاجازه عشان كده حاولوا تسمتعوا بالاجازه باعتبارها اخر انجازات الثوره.ه
وبالمناسبه برضه كمان مره انا مش لاقى اى مبرر ان اليوم ده يفضل اجازه رسميه فى ظل النظام الحالى واللى سبقه ولا ان حسنى يخطب للأمه فى عيد الثوره, قال امه قال, طب ماكانش ممكن انهم يحتفلوا باليوم ده بأنهم يوقفوا البيع فيه, او نعمل حمله "احتفظ بمصنع واحد ليكون شاهدا ان الثوار مروا من هنا" بدل من شعار" بنى فى عهد عبد الناصر واغلق فى عهد السادات وبيع فى عهد مبارك" اللى مرفوع فى كل حته فى البلد دلوقتى؟

هوامش حره عن مقتل مروه الشربينى

2009-07-12T01:49:00.002+03:00

كثر الحديث عن حادثة مقتل أختنا مروه الشربينى فى ألمانيا, ومن أفضل ما قرأت فى الموضوع مقال الاستاذ فاروق جويده فى الاهرام وأحببت أن أنقله هنا, ولعيب فى تنسيق المدونه لن استطيع نقله كاملا وساكتفى بوضع رابط للمقال

http://www.facebook.com/note.php?note_id=102344969575&ref=mf

رحم الله اختنا وبارك فى قلم الأستاذ فاروق

اعترف يا صديقى

2009-06-24T14:03:00.002+03:00

اعترف الآن يا صديقى , فربما لا تواتيك فرصةٌ أخرى, اعترف بأن دور الرجل القوى الذى تتقمصه قد أصابك بالوهن وأرهق روحك, اصرخ بأنك خائف ومحاطٌ بالهواجس, هاجس الوحده ينتقص من احساسك بمن حولك, هاجس الفقد يقتطع من استمتاعك بوجود من تحب بجوارك, شكواك الدائمه من أنك لا تجد الحب كما تتمناه تخفى خوفك من الفشل , بل قل خوفك من الحب نفسه.ه

أتدرى ما الذى يمنعك من الاعتراف بخوفك؟ انه الخوف نفسه يا صديقى, أنت تخاف من مواجهة خوفك, ربما لا تعلم أن ما يفصلك عن عالمٍ آخرٍ طالما حلمت به هو مجرد لحظة, تغمض فيها عينيك, وتأخذ نفساً طويلاً, ثم تقرر أن تنسى.ه

أعرف أنك لم تقرر شيئاً فى حياتك قبل ذلك, فلم لا تفعلها هذه المرّه؟ انس الخوف, ومعه كل من لا يحبك, أو حتى كل من لا يحبك للدرجه التى ترضيك, كن أنانياً هذه المره وتمسك بحقك كاملاً, أحب نفسك اولاً, عش ما تبقى يا صديقى.ه

واحد صفر

2009-04-10T01:41:00.000+03:00

كلنا مهزومون واحد صفر الكل مهزوم وحزين , والكل يبحث عن فرصه للسعاده وعن أى منفذ إلى الحياه حتى ولو كان فى اتساع خرم الإبره , هذا هو الإحساس الذى وصلنى بعد مشاهدة هذا الفيلم الجميل , واحد صفر. السيناريو محكم وبسيط جدا, يتناول شخوصاً حقيقيين تقابلهم فى الشارع وقد تكون واحداً منهم , يغوص بداخل كل منهم ليستعرض الوطن من خلالهم, لن أحكى الفيلم هنا , أنقل فقط انطباعاتى عنه ,واختلافى مع أكثر من نقطة تناولها بالطرح مع اعجابى به كعمل فنى ممتع لدرجة أنى شعرت أنه قصير جدا رغم ان مدته حوالى 105 دقيقه .اتبعت كاتبة السيناريو ( مريم نعوم) أسلوب اليوم الواحد للأحداث , فأحداث الفيلم تدور كلها فى أقل من 24 ساعه ( يوم نهائى غانا) , وتحاول , وأرى أنها نجحت ألى حد كبير, استعراض نماذج كثيره من الشعب المصرى الذى يوحده القهر وتحيطه الهموم كما توحده مبارة فى كرة القدم , تمضى أحداث الفيلم فى خطوط شبه متوازيه حيث البطوله جماعيه ولكل من الأبطال حكايته الخاصه , أفلت السيناريو من فخ السوداويه التى تغلف كثيرا من الأفلام الواقعيه, ناقش مشاكل غاية فى التعقيد دون ان يصيبك بالاكتئاب . الاخراج كان موفقا إلى حد كبير , يمكننى القول بأن المخرجه(كامله أبو ذكرى) كانت تطل عليك من كل المشاهد ولكنها لم تسقط أيضا فى فخ يوسف شاهين الذى كان يطبع كل ممثليه بشخصيته هو, اهتمت المخرجه بكل الشخوص بتفاصيلهم , حتى الادوار الثانويه التى قام بها ممثلون مغمورون كانت رائعه جدا. اعتمد التصوير على تقنية الكاميرا المحموله طوال مشاهد الفيلم, ومن المعروف انه يستحيل التحكم الكامل فى اهتزازات الكاميرا , ولكن هذا أيضا تم توظيفه لصالح الفيلم, الأحداث سريعه متلاحقه وكان لا بد من متابعتها , واهتزاز الكاميرا الخفيف يمكن اعتباره متماشيا مع التوتر الذى يغلف كل الشخصيات. الموسيقى التصويريه كانت جيده ولكنها قليله , مشاهد كثيره أظنها كانت تحتاج وجود الموسيقى وربما آثرت المخرجه اتاحة مساحه أكبر لأداء الممثلين. يحاول السيناريو ان يخلق نقطة تواصل بين خطوط الفيلم المتوازيه, فيتجمع الأبطال فى قسم الشرطه لأسباب مختلفه ثم يخرجون إلى الشارع بعد انتهاء المباراه وكل منهم يحمل جرحا وربما أملا لم يكتمل, ليذوبوا جميعا فى زحام من البشر المحتفلين بفوز مصر ببطولة أفريقيا, فى مشاهد حقيقيه من الشارع عشتها بنفسى ليلتها, حيث الكل حزين , والكل يرقص ويحتفل, لا تدرى أهروب هو من الواقع ام تمحك بالحياه؟ ه ملاحظات: لا أحب إلهام شاهين أبدا , ولكن هذا لا يمنع أننى أعجبت بأدائها جدا , تلعب دور امرأه مسيحيه انفصلت عن زوجها , وارتبطت برجل آخر تود الزواج منه , ولكن الكنيسه ترفض التصريح لها بالزواج الثانى , مشكله من صميم الواقع المصرى , تعانى منها الكثيرات ومن الطبيعى أن نراها على شاشة السينما , ولا أرى مبررا مقنعا للهجوم الذى تعرض له الفيلم بسبب هذا الطرح ومحاولة البعض ايقاف عرضه الا حساسية مفرطه لا مبرر لها أبداً من بعض المسيحيين الذين يرفعون شعار ممنوع اللمس, لا أعرف سر هذا التناقض الكبير فى مواقف من يطالب بالاندماج فى المجتمع ثم يثور حين تعرض مشاكله, والحق أن المشكله التى طرحها الفيلم لا تخص المسيحيين فقط , فعندما استشارت البطله محاميها خيرها بين أن ترفع قضية ضد الكنيسه او أن تشهر اسلامها للحصول على الحق فى الزواج الثانى , أى أن أحد الحلول ينتهى بها غالبا ألى امرأه مسيجيه اسلمت وتريد العوده إلى دينها والآمر غالبا يصل إلى القضاء والباقى انتم تعرفونه , فبدلا من كونها مشكله تتعلق بتفسير البابا للانجيل تتحول الى مشكلة حكم المرتد فى الاسلام . المفارقه هنا ان هذه السيده تحمل بدون زواج من الشخص الذى يحبها( لا يغفل السيناريو الاشاره لكونه مسيحيا ربما لتفادى مشكلة أخرى) وبدلا من شعورها بالذنب تغمرها سعاده كبيره لاعتقادها ان حملها سيساعد فى حصولها على حق الزواج, أيهما أخف عليها اذن, الزنا أم تصريح بالزواج؟ه من الشخصيات الأخرى التى لفتت نظرى , شخصية المغنيه أو الراقصه ( أدت الدور زينه) وهى من نوعية هيفاء وهبى لمن لم يشاهد الفيلم, لا أعرف لماذا حاول السيناريو استدرار تعاطف المشاهدين معها مع انه لا يكتفى بتقديمها فى دور المغنيه المسفه بل أشار لكونها (ترافق) المنتج الخاص بها , هل يحاول الفيلم العزف على وتر المومس الفاضله التى اشتهرت فى أفلام الستينيات مع عز الدين ذو الفقار؟ لا أدرى, ولا أرى أيضا أى سبيل للتعاطف مع من تبيع نفسها لأى سبب كان حتى وان كان الحياه نفسها , الغريب أنها فى احدى جمل الحوار عندما تسألها أختها ان كانت تخاف الله فتجيب بأنه ( أى الله جل جلاله) فى قلبها ولا تنساه أبدا , يمكننى تصديق ذلك , ولكن هل يكفى هذا للتعاطف معها؟ الغريب ان السيناريو الذى يدين على لسان أهلها علاقاتها غير الشرعيه , لا يدين علاقة الهام شاهين غير الشرعيه أيضا بصديقها , حيث أن الأولى تفعل ذلك بأجر بينما الثانيه تفعل نفس الشئ ولكن بحب, وكأن هذا هو الفيصل وليست مسألة الحلال والحرام.ه من المشاهد غير البريئه فى الفيلم مشهد التزاحم على ركوب الاتوبيس والتركيز على رجل ملتح متجهم الوجه ويدفع الناس بقسوه لكى يركب , ومشهد آخر يظهر تجمعا للمصريين من مختلف الطبقات يتابعون المباراه فى أحد المقاهى بينما يمر من امام الكاميرا رجل ملتح وامراتان محجبه ومنتقبه وكانهما نشاذ فى الصوره, لا يلتفتون للمباره ولا للجمهو الموجود وكأنهم لا ينتمون إلى الصوره, وحتى لا اتهم باساءة الظن أذكر لكم جمله من حوار كامله أبو ذكرى مع جريدة الدستور فى ندوه عن الفيلم عندما قالت انها كانت تمشى فى شبرا فترى هنا صليبا وهنا فانوسا والانا صبحت تمشى فترى رجالا ملتحين ونساء منتقبات وتضيف أنها تهم بالصراخ فيهم ارحلوا منها وعودوا من حيث أتيتم واتركوا هذا المكان جميلا كما كان

هوّن عليك..فلا هناك ولا هنا

2009-03-10T16:04:00.000+03:00

كنت بشوف فيلم الجزيره , عجبنى الفيلم جدا,القصه واقعيه عن عزت حنفى وقرية النخيله فى الصعيد , السيناريو والحوار رائعين فعلا(السيناريست اسمه محمد دياب) , الحوار فيه جمل كتير تشد , مثلا المشهد اللى الأب تاجر المخدرات والسلاح والقاسى جدا على الأقل فى الظاهر( محمود يس) بيقول لابنه (أحمد السقا) حقيقة مرضه وإنه فى مراحله الأخيره وخلاص هيموت , رد فعل ابنه طبيعى جدا لما يعرف ان أبوه هيموت , الغريب هو تصرف الأب لما شاف دموع ابنه , قال له: اوعى تحب حد للدرجه اللى تبكيك عليه , ياااه جمله قاسيه جدا وخصوصا انها من أب لابنه , أنا فكرت فيها كتير وافتكرت كمان انى قريت المعنى ده فى حديث شريف ودورت عليه لحد ما لقيته فعلاً بيقول نفس المعنى تقريبا حسب فهمى للحديث,عن أبى هريرة رضى الله عنه عن النبى صلى الله عليه وسلم قال"أحبب حبيبك هوناً ما , عسى أن يكون بغيضك يوماً ما , وأبغض بغيضك هوناً ما , عسى أن يكون حبيبك يوماً ما" رواه البخارى فى الأدب المفرد. أعتقد ان ده مهم جداً للصحه النفسيه, لما نحب حد ده احساس ايجابى جدا وبينعكس علينا فى حياتنا , والحب ده مش بمعناه الضيق بين رجل وست , انما بمعناه الواسع , أى حب من أى نوع بين أى اتنين , المفروض يبقى فيه مسافه ولو ضيقه جدا تسمح لنا اننا نعيش لو الشخص ده مبقاش موجود , عشان كمان ما نقعش لو كنا مسنودين عليه بحملنا كله , ده مش هيمنع ان غيابه او تغير مشاعرنا تجاهه مش هيأثر , أكيد هيكون فيه تأثير سلبى , بس المهم التأثير ده هيكون لأى درجه وهياخد وقت قد ايه لحد ما نتعود عليه , وهنقدر نكمل حياتنا بعد كده ولا لأ . لما فكرت فى النقطه دى حسيت ان فيه حاجات كتير محتاجه اعادة حسابات , وتغيير طريقة رؤيتنا للأشياء وللحياه , المسأله أبسط بكتير ومش مستاهله تعقيد , وأحزان كتير أوى أسهل من اننا نحاول نتغلب عليها ويمكن نقدر أو ما نقدرش هو اننا نتجنبها من الأول , يعنى لو صديقك او اللى بتحبه سابك أكيد لازم هتزعل , بس لو فكرت في انه فى اللحظه اللى انت فيها حزين لغيابه مش فاكرك أصلا أو بيعيش لحظه سعيده , جايز جدا ده يفيدك انك تبقى أحسن , أو لو فكرت انه ماكانش صديق حقيقى وان وجوده فى حياتك هو اللى ماكانش صح مش غيابه أكيد ده برضه هيفرق معاك كتير. ما اقصدش من كلامى ان الناس مش مهمين فى حياتنا ولا ان العلاقات الانسانيه رخيصه وسهل جدا نستغنى عنها , اللى اقصده ان مشاعرنا كمان غاليه وان الحزن بياكل من عمر الواحد لحظات وطاقه مهدره هو أولى بيها , وكل اللى بيحبوه ولسه معاه.ه العنوان من قصيده لأحمد بخيت

هكذا باع الفلسطينيون أرضهم لليهود

2009-02-21T00:29:00.003+03:00

كانت آرائى فى كل شئ تتكون مما أتلقفه وأسمعه من أحاديث الناس,وكانت كلها آراء مريحه للنفس , فالهزيمه التى نعيشها اسمها نكسه , أما الفلسطينيون فقد فقدوا وطنهم لأنهم باعوا أرضهم لليهود . وأما العرب فهم يخونوننا ويتخلون عنا فى كل حرب ومع ذلك فيجب أن نحتملهم لأن هذا هو قدرنا.سمعت آخرين يرددون ذلك بكل ثقه ففعلت مثلهم دون أن أشغل نفسى بالقراءه عنه أو مجرد التفكير فيه . ولماذا أفكر وهذه الآراء تعطى شعوراً لذيذاً ومريحاً كما قلت لك ؟ الإحساس بأننا فعلنا كل ما علينا لكن الظروف هى التى خانتنا والزمن الغادر, وكنت أحيانا أقول هذا الكلام لعصام وانا أمزح معه أقول له أنتم بعتم أرضكم لليهود فلا داعى للتظاهر بالحزن ولا لعبارات الوطن السليب وعائدون وأجراس العوده وما أشبه . ولكن لا تهتم يا عصام فنحن سنحرر لكم الوطن السليب ونعيدكم إليه رغم أنوفكم . سنحرمكم من الثروات الفاحشه التى تجمعونها وانتم تتظاهرون أنكم لاجئون مساكين . وذات مره انفجر عصام فىّ غاضبا وقال سأقول لك يا سمير كيف باع جدى وأبى أرض فلسطين . واخذ عصام يكلمنى بصوت مرتفع ببطء وهو يشوح بيديه كأنه يعلم درسا لطفل . قال لى أنا من قريه اسمها حلحول فى فلسطين يا سمير . كان الانجليز يحتلون فلسطين ووعدوا بها اليهود يا سمير . بدأوا يهجرون اليهود لفلسطين ويعطونهم الأرض والسلاح فثار الناس وحملوا السلاح ليدافعوا عن أرضهم يا سمير . وعندما حدثت أول ثوره كبيره فى فلسطين على هجرة اليهود , أراد الانجليز أن يؤدبوا الفلسطينيين ليعرفوا أن الوعد بمنح بلادهم لليهود ليس كذبه , وكانت حلحول بين القرى التى أدبوها . ذات يوم جاء جنود الاحتلال للقريه الصغيره وقال الانجليز لأهلها هناك 36 من الثوار من أهالى حلحول وعندكم 36 بندقيه لابد من تسليمها لنا . ولم يكن من فى القريه يعرفون شيئا عن بنادق الثوار , ولو عرفوا لما سلموها , لكن الانجليز قالوا سنرى . جمعوا من فى القريه من الشيوخ وصفوهم وقوفا فى الشمس, فى الصيف , وقالوا ستظلون واقفين هنا حتى تظهر البنادق . وتناوب الانجليز حراسة أسراهم الواقفين الممنوعين من الجلوس بالنهار والليل , ومر اليوم الأول ولم يتكلم أحد , وفى اليوم الثانى طلب الأسرى الماء فطلب الانجليز البنادق . وعندما سقط الضعاف على الأرض اعياء وعطشا لم يسمح الانجليز برفعهم من مكانهم , وهكذا مر اليوم الثالث دون نوم ودون جلوس ودون ماء ولا طعام , وزاد عدد من عجزت أقدامهم عن حملهم , وفى اليوم الرابع بدأ الشيوخ يموتون . قال عصام , وكان جد ضمن من ماتوا هناك يا سمير , وهكذا باع جدى أرض فلسطين . ثم حكى لى عصام عن أبيه , قال عندما جاءت حرب فلسطين فى سنة 48 ودخلتها الدول العربيه قالت هذه البلاد للفلسطينيين أن يهاجروا منها إلى أن تطهر الجيوش العربيه أرض فلسطين وتقضى على عصابات الصهاينه , ولكى يعجل اليهود بهذه الهجره بدأوا يذبحون الفلسطينيين فى دير ياسين وفى غيرها ليلقوا فى قلوبهم الرعب , وبدأ الناس يهاجرون ورفض أبو عصام , قال لمن معه ان كان علينا أن نموت فلنمت ونحن ندافع عن أرضنا ولا داعى لأن نموت ضحايا كما مات آباؤنا , كان واحدا ممن حملوا بنادقهم وأجسامهم امام دبابات اليهود وسقطوا هناك دون أن يذكر أسماءهم أحد . وقال لى عصام وهكذا باع أبى أرض فلسطين يا سمير . قال سمير , لكى أكتب عن عصام قرأت شيئا عن فلسطين وعن حلحول ثم وجدتنى أقرأ غير ذلك فرأيت حلحول فى مصر ومصر فى فلسطين وآلافا من أجدادى ماتوا مثل جد عصام وآلافا من آبائنا ماتوا كأبيه وأن المصيبه واحده والهم واحد . قلت وانا أتوقع أن يعود سمير لغضبه , نعم ولكن مع ذلك فهناك فلسطينيون غير جد عصام وأبيه باعوا أرضهم أليس كذلك؟ ولكن سمير سكت فتره ثم قال بهدوء: عندما احتل الانجليز مصر وزعوا أرضا على الذين أعانوهم على احتلال مصر وكانوا عشرات , لكنهم وضعوا فى السجون ثلاثين ألفا من الذين ثاروا مع عرابى غير من ماتوا فى الحرب . فمن هم المصريون حقا؟ وعندما جاء اليهود باع لهم بعض الفلسطينيين أرضا وكانوا عشرات , لكن آلافا ماتوا فى الثورات على اليهود وفى الحرب معهم , فمن هم الفلسطينيون حقا؟ يا صديقى فى داخل كل شعب جماعه تنبح وراء من يلقى لها العظمه , وهل تريد ما هو أكثر؟ فى داخل كل انسان ذلك الكلب الذى ينبح والمهم أن نخرسه .ه من رواية شرق النخيل(1983) للرائع بهاء طاهر بتصرف بسيط غير مخل

الفارس يرتاح قليلا

2009-02-06T16:09:00.001+03:00

لا يحتاج إلى مناسبه كى نتذكره,مثله لا ينسى أصلاً,حاضرٌ رغم الغياب,يذكرنى بقول شوقى:الناس صنفان..موتى فى حياتهم,وآخرون ببطن الأرض أحياء

السيد نام,الفارس يرتاح قليلاً,مجدى ليس مجرد شخص,هو فكره..والأفكار لا تموت, هو قيمه..والقيم تزداد حاجتنا إليها كلما طغى الفساد وتجبر,لا أزكيه على الله وأحسبه عاش ومات على خير,وكلى يقين انه الآن فى حالٍ أفضل,كل الحكايه أننا نفتقده..جداً

ادعوا له بالرحمه,ولنا

عن ابراهيم عيسى والتطبيع

2008-12-19T07:19:00.000+03:00

هل تذكرون الفيلم السينيمائى(السفاره فى العماره)؟ أعتقد أن كثيرين قد شاهدوه ,معظم من شاهده وأنا معهم اعتبرنا الفيلم موقفاً حاداً شديد الوضوح ضد التطبيع مع عدونا الصهيونى , ولكن لأن طبيعة الفن وطبيعة الدنيا عموماً هى تعدد زوايا الرؤيه للحدث الواحد,فقد رأى البعض أن الفيلم يمكن اعتباره عملاً تطبيعياً صرفاً , فاظهار كراهية الشعب المصرى للكيان الصهيونى لم يأت بجديد وانما الجديد كان هو ظهور السفير الصهيونى على الشاشه لمده طويله عن طريق ممثل كبير له قبول وهو لطفى لبيب,اعتبر البعض ذلك خطوه تطبيعيه تتخفى فى ثوب رفض التطبيع.ه

الحقيقه أننى لا أنوى الحديث عن الفيلم , كانت تلك مقدمه لسؤال أريد طرحه,هل ما تفعله جريدة الدستور منذ صورها من مقاومةٍ لمخطط توريث الحكم فى مصر والذى يبدو وكأنه حائط صد ضد حدوث التوريث,هل هو فى الحقيقه دعماً لتلك الخطوه وتسويقاً لها بين البسطاء من أبناء شعبنا؟ بمعنى جعل كلمة التوريث مشاعاً على كل الألسنه بعد أن كانت كلمة جديده قبل 4 أو 5 سنوات؟ه

هل يعد موقف الجريده تمهيدا لحدوث التوريث عبر إشاعة اليأس فى النفوس من استحالة تحسن الأوضاع عبر تسليط الضوء المستمر على الفساد الذى ينخر فى عظام الدوله وكأنه بلا علاج ؟ه

بمعنى أخر,هل خدعنا ابراهيم عيسى؟ ام أن الأمر كله يرجع لعدم ثقتنا فى وجود قلم شريف يكتب فعلاً لوجه الله فى هذه الفتره حالكة الظلمه؟ه

هل يقصد ابراهيم عيسى عندما يصف الأمه بالخنوع والسلبيه والجبن مراتٍ عديده فى مقالاته هو استثارة الهمم فعلاً أم اشاعة اليأس واظهار عدم استحقاقنا لحياةٍ أفضل كما أعلنها نظيف قبل ذلك عندما وصف الشعب بعدم النضج لاستقبال الديمقراطيه؟ه

هل عيسى بالفعل جزء من لوبى متأمرك يتحرك لأهداف غير معلنه كما يقول منتقدوه بعد مقالته الأخيره تعليقاً على حادثة الحذاء(وهى مقاله سافله بالمناسبه كما أراها) ؟ه

هل من الضرورى أصلا تصنيف الإنسان وقولبته كأن نقول هذا متأمرك, وهذا إيرانى الهوى,وذاك جزء من اللوبى الصهيونى فى الاعلام المصرى وهكذا,أم نحاسب الكاتب على مواقفه بالقطعه,أى نقول له احسنت أو أسأت حسب ما يكتبه كل مره, هل مازال هناك ثوابت أصلاً كالعروبه والقوميه والأمه الواحده أم يجب الشك فى كل شئ وإعادة الحسابات كل يوم ألف مره؟ه

الحق أننى لا أدعى امتلاك الإجابه..فقط أطرح التساؤلات لعل احداً يفيدنى, ويريحنى.

إرهاق

2008-12-11T05:25:00.003+03:00

يا شوقا يعصف بكيانى ..فارقنى يوماً , قد أنساها...أو أتنفس دون حنين , إلى امرأةٍ...لا تدرى أنى أعشقها , لاتشعر أنى لاأغفو ...والقلب حزين

أيا امرأةً , لعينيها..أجوب الكون ترحالاً , بلا شئٍ... سوى حلمى , أحسينى ...وضمينى , فطول البعد أرهقنى ...ومشتاقٌ إلى النوم

..............

2008-12-06T17:15:00.000+03:00

مع نفسى...ذلك أفضل جداً

الخوف قواد..فحاذر أن تخاف

2008-12-04T04:34:00.003+03:00

قد آن ياكيخوت للقلب الجريح

أن يستريح

فاحفر هنا قبراً ونم

وانقش على الصخر الأصم

يا نابشا قبرى حنانك ، ها هنا قلبٌ ينام

لا فرق من عامٍ ينامُ وألف عام

هذى العظام حصاد أيامى فرفقاً بالعظام

أنا لست أُحسب بين فرسان الزمان

إن عد فرسان الزمان

لكن قلبى كان دوماً قلب فارس

كره المنافق والجبان

مقدار ما عشق الحقيقة

أنا لا أجيد القول ، قد أُنْسِيتُ فى المنفى الكلام

وعرفتُ سرَّ الصمت .. كم ماتت على شفتى فى المنفى الحروف

الصمت ليس هنيهةً قبل الكلام

الصمت ليس هنيهة بين الكلام

الصمت ليس هنيهة بعد الكلام

الصمت حرف لا يُخَط ولا يقال

الصمت يعنى الصمت .. هل يعنى الجحيم سوى الجحيم ؟ه

لو كان يعرف بالقلوب الناس لم يصفعك دوماً بالسؤال

- كل ابن كلب -

من أنت ؟ .. كالقفاز فى عينيك يرمى بالسكين قلب

وترى الكلاب تتيه كالفرسان .. والفرسان أضيع من كلاب

يا .. كلاب كبدى خذوه

يا ناهشى الأكباد هاكُمْ فانهشوه

وليرحم اللّه الضحايا .. يرحم اللّه الضحايا

قالوا قديما : ( لاتخف ان قلت ، واصمت لاتقل

ان خفت ) .. لكنى أقول

الخوف قواد .. فحاذر أن تخاف

قل ما تريد لمن تريد كما تريد متى تريد

لو بعدها الطوفان قلها فى الوجوه بلا وجل

الملك عريان .. ومن يفتى بما ليس الحقيقه

فليلقنى خلف الجبل

انى هنالك منتظر

والعار للعميان قلبا أو بصر

وإلى الجحيم بكل ألوان الخطر

مقاطع من "لزوم ما يلزم" لنجيب سرور

وداع

2008-11-22T02:53:00.002+03:00

ألا زلت تصرين أن الوداع لم يكن لائقاً؟ ألا يكون الوداع لائقاً إلا بجرحٍ يتبعه البكاء؟ ماذا اذن إن كان الفراق أكبر من دموع الدنيا كلها؟ وماذا إن كنت أشتاق البكاء ولا يأتينى؟ه

ما أمرّ انخلاع القلب منى ,وما أعز البكاء.

تقولين أن سلامى عليك كان سلام الكرام , ولا تعلمين أن ما بيننا لا يسعه كل كلام الناس من ألف عام..ولا يبوح به تلامس كفين أو حتى عناق لألف عامٍ اخرى

كم أتمنى أن أعود إليك...لا أقول تعودين إلى ,كيف وأنت تسرين فى العروق , ويتكئ قلبك على كل الخلايا

رغم المسافات التى ظننتِ أنك بعدتيها عنى ,لم تغيبى عن مدارى لحظة واحده...فعيونى فى أول طريقك ,وقلبى فى آخره....وبينهما يمتد حنينى كسحابٍ يظللك ,ويقطر شوقاً على وجنتيك

كم أشتاق اسمى من شفتيك....ليتك ناديتنى به ولو لمرة أخيره , أشتاق حتى (لا أحبك) التى لم أصدقها أبدا, لأنك لم تقصديها أبدا

هل آلمتك يوما؟ ها أنا الآن أتألم بكل شهيق لا تعطره أنفاسك

ألا تسامحين؟ه

ألا زلت تصرين أن الوداع لم يكن لائقا؟

أتدرين؟

2008-11-15T00:41:00.002+03:00

أتدرين

بأن مواكب العشاق قد مرت على قلبى

وان نسائم الأشواق ترحل فى شرايينى

أبثك لهفتى سراً

وحبك سر تكوينى

عيونى تشتهى قرباً

أجيبيها

وضمينى

ثوانٍ وحدنا عمرٌ

وبعض الدفء يكفينى

أريدك فرحةً كبرى

من الأحزان تشفينى

بقلبك أشتهى وطناً

وبيتاً سوف يحمينى

أتيتك حاملاً حلمى

بربك لا تردينى

أقدم راضياً عمرى

أترضين؟ه

أجيبينى

ما أوسع البكاء

2008-10-25T00:51:00.001+03:00

أتعيش عمرك مرغماً

والقهر ظلاً يتبعك

ابدأ خلاصك بالبكا

فالكل قد يبكى معك

أرسل دموعك..

صبَّها

اغسل همومك كلها

أم أن قهراً يمنعك

إن ظل حزنك خافتاً

من يا ترى قد يسمعك

أطلق صراخك في الفضا

عهد احتمالك قد مضى

وسكون حزنك أوجعك

يا قلب عمرك ما انتهى

اكسر قيودك..ألقها

فبدونها..ما أوسعك

ايه شعبى الحبيب المهاود

2008-08-28T01:20:00.001+03:00

كل ما أعدى من قدام مجلس الشعب لازم أتفرج , معرفش ليه ,المهم كل ما أبص أشوف الجمله اللى مكتوبه على الحيطه ببنط كبير أوى خالص(الديمقراطيه هى توكيد السياده للشعب) كلام حلو جداً وحياة ربنا,بس يعنى واحنا مالنا؟ يعنى لو سألت الناس فى محطة سعد زغلول ولا التحرير(محدش يقول عليها السادات لو سمحتوا) وأنا رايح المنتئه دى ولا راجع منها عن رأيهم فى الجمله دى تفتكروا هيكون ردهم ازاى؟ فى الحقيقه أيها الأخوه والأخوات انا متوقع ان كلهم هيقولوا يعنى ايه ديمقراطيه ,نسبه كبيره هتختلف حوالين معنى توكيد ومعنى السياده,وبعدين بالتأكيد الأكيد هتسمع كلام من عينة شعب مين يا ابن الشششششششششعب ,والراجل الأخير ده بالرغم انه قليل الأدب شويه وابن شششششششششعب صحيح , بس بيسأل سؤال مهم برضه, يعنى ايه الشعب بجد؟ يعنى كل مجموعه من الناس جه نصيبهم انهم فى مكان واحد يبقوا شعب؟ ولا لازم مجموعة الناس دول يكون فيه بينهم تاريخ وثقافه و حاجات كتيره مشتركه , ويكون القاعده انهم بيحبوا بعض وليهم مشروع مشترك , وعدو مشترك وواضح ,طب الحاجات دى موجوده عندنا؟ يعنى لوسألت 10 بنى ادمين فى الشارع ايه مشروعكم القومى,بغض النظر عن الاختلاف برضه حوالين معنى المشروع ومعنى القومى والراجل ابن الشعب اللى هيبقى واقف حاشر نفسه ده, تفتكر هتلاقى اجابه عن السؤال؟ طب لو سألت مين عدوك الرئيسى وانت متوقع مثلا تكون الاجابه هى الكيان الصهيونى,هتسمع الاجابه دى فعلا؟ ولا كل واحد دلوقتى عنده وطنه الصغير اوى اللى على قده واللى فيه مشروعه وعدوه كمان,يعنى واحد مشروعه القومى انه يتجوز الحته بتاعته, وعدوه هو ابن خالتها الرخم اللى حاطط عينه عليها, ما اعترضناش يعنى بس هو كده وبس؟ ولا واحده مشروعها انها تخس وتبقى حلوه ومزه واحلى بت فى النادى ولا فى الجامعه,فيه ناس عندها احلام مهمه جدا صحيح بس برضه فى اطارهم الشخصى او بالكتير فى اطار اوسع شويه فيه عيلتهم او اصحابهم بس, باختصار يعنى احنا أمَّه فعلا ولا ناس اترصت جنب بعضها بالصدفه؟حد فينا بيحلم ان حلمه الشخصى يبقى جزء من حلم كبير؟ لو كانت الاجابه لأ يبقى المشكله مش فى الحكومه والحاج أبو جمال حتى لو كان هو السبب فيها, للأسف الحل ما بقاش مجرد انه يمشى,طب ما هو هيمشى ويسيبنا زى ما احنا, اللى شاغل بالى دلوقتى فعلا,الجمله دى اللى على الحيطه اتحرقت ولا النار جت عندها وأزحت؟

على باب الكريم

2008-08-23T01:03:00.002+03:00

دعاء الهم والحزن

اللهم إنى عبدك , ابن عبدك , ابن أمتك , ناصيتى بيدك , ماضٍ فىّ حكمك , عدلٌ فىّ قضاؤك , أسألك بكل اسمٍ هو لك , سميت به نفسك , أو أنزلته فى كتابك , أو علمته أحداً من خلقك , أو استأثرت به فى علم الغيب عندك , أن تجعل القرآن العظيم ربيع قلبى , ونور صدرى , وجلاء حزنى , وذهاب همى

أحمد 1/391 وصححه الألبانى

اللهم إنى أعوذ بك من الهم والحزن , والعجز والكسل , والبخل والجبن , وضَلَع الدين وغلبة الرجال

البخارى 7/158

دعاء الكرب

لا إله إلا الله العظيم الحليم , لا إله إلا الله رب العرش العظيم , لا إله إلا الله رب السموات ورب الأرض ورب العرش الكريم

البخارى 7/154 ومسلم 4/2092

اللهم رحمتك أرجو فلا تكلنى إلى نفسى طرفة عين , وأصلح لى شأنى كله , لا إله إلا أنت

ابو داود 4/324 واحمد 5/42 وحسنه الألبانى فى صحيح أبو داود 3/959

لا إله إلا أنت سبحانك إنى كنت من الظالمين

الترمذى 5/529 والحاكم وصححه ووافقه الذهبى 1/505 وانظر صحيح الترمذى 3/168

* الله ربى لا أشرك به شيئا

أخرجه أبو داود 2/87 وانظر صحيح ابن ماجه 2/335

ولو أقدر

2008-08-08T08:36:00.002+03:00

ولو أقدر

أنور بالمنى ليلك

أكون نجمه ولا أتأخر

وأعمل حبنا جنه

نعيش فيها ونتطهر

من الدنيا وما فيها

أنا عاوزك

ومش أكتر

مانا أصلى

ماليش ف الدنيا دى حاجه

وقلبك مش هنا جنبى

بحس بروحى بردانه

ونور الشمس متخبى

ودمعة شوق محاوطانى

تقول البعد مش ذنبى

وفى الزحمه

بحس الوحده من غيرك

وبحلم نلتقى تانى

بحس اديكى ف اديا

واحس عنيكى حاضنانى

وبصحى التقى روحى

وحيد والحيره ساكنانى

اتارى كل ده فكره

وسكرة حب واخدانى

وأقول بكره

هنرجع تانى نتقابل

ويكبر حلمنا اكتر

هعيش من تانى ف عنيكى

ويصبح صبرنا سكر

وأقولك ان انا صدفه

قابلت عنيكى ف الزحمه

بكل براءه شدونى

وبالطيبه وبالرحمه

سمارك حته من بلدى

وطيبتك هى عنوانك

سدود ياما كتير بينا

هعديها علشانك

انا فرحه ملكتيها

انا ريشتك والوانك

تعالى لونى حزنى

وحسى قلب عطشانك

ف نفسه يرتوى منك

ومن عطرك وريحانك

سؤال فى الحريه..وعنها

2008-07-31T21:39:00.001+03:00

زميلتى فى العمل كانت تحدثنى عن مشكله نفسيه لاحدى بناتها عمرها 16 سنه,ولأنى أعرف أن أولادها مازالوا أطفالا,استفسرت منها فقالت انها احدى بناتها فى الكنيسه,عرفت من زميلتى أنها تخدم فى الكنيسه..وحسب ما فهمت أنها مسئوله عن مجموعه من الفتيات تعطيهم عظات روحيه وتتواصل معهم وتساعدهم فى حل مشكلاتهم,هذا غير دور الكنيسه فى مختلف المجالات ككيان اجتماعى متكامل يكاد يستغنى به الزائر عن مؤسسات كثيره فى المجتمع كالمسرح والمكتبه وربما السينما لا أعرف. كل ما سبق لا اعتراض لى عليه(حتى وان كنت أرى أن هذا من ضمن الأسباب الرئيسيه لعزلة المسيحيين فى المجتمع والتى يشتكون منها),الملفت للنظر أن هذا الحوار معها تزامن مع خبر قرأته فى الدستور المصريه نشرته بتاريخ الأحد 27 يوليو فى صفحتها الأولى,مضمون الخبر يقول أن أمن الدوله بمحافظات الصعيد(بنى سويف والمنيا وأسيوط وسوهاج وقنا) استدعت أئمة المساجد ممكن كانوا قد تقدموا بطلبات للحصول على إذن بالاعتكاف وإقامة صلاة التهجد فى العشر الأواخر من رمضان وأخبروهم أن طلباتهم مرفوضه وكان المبرر أنها (أفعال تؤدى إلى حشد الناس ونقل الفكر السلفى الجهادى بينهم),وتضيف الجريده على لسان أحد الأئمه أن الضابط أخبره أن الاعتكاف يواكبه حلقات حول أمور الدين والدنيا(وطبعا النقاش بيتطرق إلى عدالة الخلفاء الراشدين والشورى فى الاسلام والوقوف فى وجه الحاكم إذا لم يقم بتطبيق الشريعه الاسلاميه),مابين القوسين منسوب للضابط. يدور برأسى سؤال واحد الآن:ما هو تعريف حرية ممارسة الشعائر الدينيه؟

القانون اخد مجراه

2008-07-28T07:53:00.004+03:00

وآدى حالنا

انا كنت بقول لنفسى دايما فاضل لنا فى البلد بنت ال ....القضاء,بنتحامى فيه

لحد ما اكتشفت ان مجرى القانون فى قفانا كلنا

حصل الأسبوع اللى فات ..يا مينز

2008-07-18T02:09:00.004+03:00

مش هفضل كده على طول

مش هستنى العمر يعدى

مش هسكت لازم أقول

قد ما هاخد قد ما هادى

انا دلوقتى براجع نفسى

قبل ما الايام تفوت

وعشان حاجات تعيش

حاجات كتير لازم تموت

مش كبرياء

لكن بصلح كل شئ فيا انكسر

ومن الغباء انك تعيش

زى الملاك بين البشر

يعنى براجع نفسى

واللى زمان انا عشته لغيرى

انا دلوقتى هعيشه لنفسى

الأغنيه فى الرابط ده

استمااااااااااع

الكلام اللى فوق ده بسيط جدا لما تقراه كده,بس جرب تسمعه بصوت شيرين فى الشريط الاخير(بطمنك) يخرب بيت ده صوت وده احساس.ه

شيرين شايفه انها عايشه زى الملاك بين البشر,وده حقها وحق اللى كتب الكلام يشوف نفسه ملاك , انا مش شايف انى ملاك ولا حاجه,بس غير كده انا هعمل زى ما الاغنيه بتقول بالظبط , هختلف بس معاها ان ده فعلا كبرياء,وماله الكبرياء يعنى؟ وحش الكبرياء ده؟ ده فله جداً.ه

. . . . الاسبوع ده خسرت صديق, أو هو خسرنى مش عارف,لا انا قلت ولا هو قال اننا ما بقيناش اصدقاء,بس احساسى بيقولى كده,والغالب ان احساسى صح,حتى لو كان تفسيره لتغيره من ناحيتى انه متضايق لسبب خاص,الغريب فى العلاقات بين الناس ان طرف من طرفى العلاقه يبقى متصور ان له الحق المطلق ينهيها وكأن التانى ده مش موجود اصلا,ومش من حقه يعرف ليه.ه

. . . . بس برضه الاسبوع ده كسبت معرفة انسان رائع جدا,المعرفه جديده لسه بس انا بمشى ورا الانطباعات الاولى,اللى هى بتدوم دى,فاكرينها دى بتاعة الاعلان,واللقا نصيب فعلاً .ه

. . . . نزلت وسط البلد , والبلد يعنى القاهره,على اساس انه بلدنا يعنى القاهره والقاهره يعنى بلدنا,والاقاليم دول ما جوش النهارده,المهم باروح وسط البلد دى (اللى هى طلعت حرب وما حولها) ادخل المكتبات اللى هناك واروح التكعيبه بالليل لما احب اقابل خالد افندى عبقادر على اساس انه الجدع معندوش نوبايل واللى يعوزه يطلبه على تليفون اسامه قهوجى التكعيبه.ه

رحت دار الشروق اتفرج على عناوين الكتب, معظم الناس اللى بالنسبه لى نجوم فى السما كتبهم هناك,المسيرى والغزالى والعوا ومحمد عماره وفهمى هويدى, كنت اشتريت اخر مره قبل دى فقه السيره والحق المر وليس من الاسلام للشيخ الغزالى رحمه الله وكمان فى المسأله القبطيه حقائق وأوهام للدكتور عماره وهو كتاب مهم جدا ممكن يبين بنسبه كبيره اسباب الاتهامات المتكرره للرجل بالتطرف واثارة الفتنه لمجرد انه بيقول للغوله عينك حمرا,مع انه لو ركزنا شويه هنلاقى عينها حمرا فعلا.ه

سألت مسئول البيع عن كتاب قذائف الحق للرجل العظيم محمد الغزالى فقالى مش موجود,قلتله يعنى مش موجود اصلا فى السوق؟ قاللى م الاخر ما تدورش عليه,فى الحقيقه هو أكد لى معلومه قديمه لما سألته هو متصادر؟ قاللى أيوه,اللى اعرفه انه متصادر برضه عشان بيقول للغوله (نفس الغوله)عينك حمرا,قعدت افكر كده جايز اكون سمعت مره حد من بتوع حرية الفكر والحاجات دى بينتقد منع كتاب زى ده,ما افتكرش انى سمعت حاجه زى دى, افتكرت بس ان نزار مره قال فيما معناه يعنى انه فى بلادنا تستطيع انتقاد الله ولا تستطيع انتقاد الحاكم,دلوقتى تستطيع انتقاد الله جل جلاله,والحاكم,بس لا تستطيع ان تقول لسبب الاحتقان الموجود فى مصر عينك حمرا.ه

. . . . كنت ناوى من الأول أدخل (حسن ومرقص) مفيش كوهين بقى ماهو هج من زمان,مالقيتوش غير فى سينما ميامى,الصراحه ما انصحش اى حد يدخل السينما دى أبدا,نظام كل سنه وانت طيب من اول شباك التذاكر لحد الباب لحد الكرسى اللى هتقعد عليه,حاجه فعلا تضايق,معرفش اللى عاوز ياخد فلوس بيقول كل سنه وانت طيب ليه, دخلت الفيلم,رأيى اللى كونته عن عادل امام بيتأكد يوم بعد يوم,ممثل جامد جدا,وشخص حقير جدا,عمر الشريف ممثل جامد جدا,بس ماليش رأى فى شخصه لانه مش عايش هنا ولا عامل كلب السلطه ولا شغلته يهاجم المتدينين زى التانى ده.ه

الفيلم لطيف بغض النظر عن المضمون اللى ممكن نختلف عليه,وده اللى هقوله المره الجايه باذن الله.ه

لا نامت أعين المعتدلين

2008-07-16T13:57:00.002+03:00

مبارك للبنان

ولكل العرب

نحن قوم لا نترك أسرانا فى السجون

قولى إنك تنتظرين

2008-07-12T23:58:00.004+03:00

قد آتيكِ

عند الفجر شـعاع ضياءٍ

يرقص فرحاً لو تصحين

أو عصفوراً

يعزف أحلامى أغنيةً

يتشرب من بحر حنين

قد أتخفى خلف الشمسِ

وأحلم يوماً لو تأتين

فأنا أسكن نور عيونك

وأنا أَمَلُكِ لو ترضـين

لحظة حبٍ لو تجمعنـا

تغفر بعداً دام سـنين

تحيى قلبى أو تجعـله

يقطر فرحاً بعد أنين

قولى أقبـِل

لا تتركنى

قولى إنك تنتظرين

فاضل ايه فى مصر؟

2008-07-04T00:45:00.001+03:00

يا دكتور مسيرى , قلب الوطن مجروح , ولسان حالنا بيقول: ايه اللى فاضل لنا؟ه

على الهامش: نجحت فى الماجستير -الجزء الأول - وجبت جيد جدا بفضل الله

لو أنى فقط..أتلاشى

2008-06-13T01:36:00.005+03:00

النهارده خرجت عشان اعمل مشوارين مهمين جدا بالنسبه لشغلى ودراستى,لقيت السكتين مقفولين ,ما جاليش احباط جامد يعنى,قلت لنفسى ان ده بقى الطبيعى

. كل يوم بيعدى عليا وانا فى مصر بحس انه بخساره, فكرة الغربه بتسبب لى وجع جامد, بس الواحد خايف بعد كده يندم انه فضل هنا لو ما حققش حاجه فى المستقبل,وخايف كمان ربنا يحاسبنى

. فى أقل من أسبوعين,اختلفت مع اتنين من اللى أعرفهم, واحد قال لى انت سئ الظن كالعاده,كمان كالعاده, التانى اتهمنى بالتعصب والجمود,هو معقول يكون الناس غلط وانا اللى صح؟ ولاّ أقول زى بهاء طاهر:لست مثل الذين يريدون اعتراف الاخرين بهم, أنا أريد أولاً أن اعترف بنفسى؟

. حد كان صديقى فى يوم من الأيام,العلاقه فترت بينا وتقريبا ما بقيناش نتكلم,بس لما كنت بلاقيه اونلاين على الماسنجر حتى لو ما اتكلمناش بعرف انه كويس وخلاص,لما غاب فتره طويله كنت بقول لعل السبب خير,لحد ما اكتشفت برنامج بسيط كده بيقولك مين عمل لك بلوك او ديليت ,ابن حلال البرنامج ده الصراحه,عامل زى دش بارد كده

. ريم بنت خالى,عندها سنتين,بنوته زى العسل,باخدها فى حضنى وأقولها بتحبينى يا ريم, قالتلى آه..قد ايه يا ريم؟ قدّ الجنه ,قليلين قوى اللى مش ممكن تشك انهم بيحبوك بجد .

اليوم قرأت قول نزار:أنا متعبٌ..ودفاترى تعبت معى, هل للدفاتر يا ترى أعصاب؟

العنوان مأخوذ من احدى روايات بهاء طاهر

هصلى هصلى..مهما حصل لى

2008-06-04T00:08:00.001+03:00

اعتداء مسلح على محل للذهب فى حى الزيتون يملكه أقباط

كانت تلك هى صيغة الخبر فى اغلب وسائل الإعلام ,بعد وقوع الحادث بدقائق قليله,لاحظ التركيز على جملة يملكه أقباط(مسيحيون)

أول ما تبادر الى ذهنى وقتها هو تخيل حدوث اعتداء مماثل على محل للذهب فى الزيتون أيضاً يملكه مسلمون(بما انه بات من الطبيعى جدا أن نتكلم عن المواطن المصرى اما باعتباره مسلما او اعتباره مسيحيا) هل كان الخبر سيقال هكذا:اعتداء مسلح على محل للذهب فى حى الزيتون يملكه مسلمون؟

أعتقد ان الاجابه هى لا,والسؤال التالى سيكون ولماذا؟ بمعنى ولماذا أصبحنا مهيئين تلقائياً لاعتبار هذا الاعتداء موجهاً ضد المسيحيين؟ لماذا لم نفكر ولو للحظه انه اعتداء اجرامى قام به بعض اللصوص ضد محل للذهب؟ , وأغلبنا يعرف أن تجارة الذهب من ضمن صناعات اخرى كثيره يكاد يغلب عليها الطابع المسيحى ربما بحكم توريث المهنه, أى أننا لو افترضنا أن عصابات السطو المسلح قامت بعشر عمليات سطو على محال للذهب ربما يتصادف أن يكون أغلبها أو حتى كلها ملكاً لمسيحيين؟

البعض يحاول أن يبدو معتدلاً ولا يصرح باعتقاده أن الاعتداء موجه ضد المسيحيين ويكتفى بالقول لننتظر التحقيقات قبل أن نطلق أحكاما جزافيه,وفى رأيى أن مجرد وجود تلك الفكره فى العقل الجمعى المصرى يعتبر كارثه بكل المقاييس, فكرة أن المسيحيين لا يمكن أبداً أن يكونوا طرفاً فى أى نزاع, او ضحايا لعمليات ارهابيه أو اجراميه, ولا أعرف لماذا,ألا يبلغ عدد المسيحيين فى مصر حوالى ستة ملايين وربما يزيدون؟ ألا يتواجدون فى كافة مدن مصر ويعيشون كمواطنين عاديين لا تضمهم أحياء منفصله خاصه بهم؟ ألا يجعل ذلك كونهم طرفاً فى المشاكل الحياتيه أيا كانت بشاعتها امراً متوقعا كونهم مواطنين يعيشون بتلك الدوله كغيرهم من سكانها؟ ألا يمكن ان يتبين بعد ذلك أن الجناه مسيحييون أيضاً(بالصدفه يعنى), ألا تذكرون معى مذبحة بنى مزار بالمنيا, كان الضحايا كلهم من المسلمين فاعتبرت جريمه قتل عاديه(وهى كذلك فعلا) تخيلوا معى لو كان الضحايا مسيحيين,ولم تتوصل الشرطه للجناه الحقيقيين كما حدث فعلاً,بالتأكيد لم يكن الأمر ليخلو من تلميحات بالطائفيه, واتهامات للشرطه بالتهاون مع الجناه كما أشيع فى حادثة الدير ونشرته المصرى اليوم فى تغطيتها للحادث , وكنا سندخل فى دائره مفرغه من التعصب الكريه نحن فى غنى عنها.

لماذا يعانى المسيحيون من تلك الحساسيه المفرطه؟ من المسئول الأول عن حالة الاحتقان التى تسود الآن؟فى الواقع لدىّ إجابه على السؤال الخير أفضل الاحتفاظ بها لنفسى, لماذا لا نتذكر أن أرشيف المحاكم يحتوى ملايين القضايا التى يختصم وربما يقتل فيها مسلمٌ مسلما آخر, او مسيحى يقتل مسيحياً آخر,لماذا سيطرت علينا فكرة أن المسيحى لن يكون ضحيه لأى اعتداء الا بسبب كونه مسيحياً؟

فى سياق تغطيتها لحادث الزيتون,تشير الصحف باستمرار إلى أن الكنيسه ستصبر ولن تتعجل الحكم على الحادث,وأن البابا يتابع الحادث من أمريكا,يعلنون ذلك من باب الحكمه أو التروى, وأنا أرى أصلا أن مجرد دخول الكنيسه طرفاً فى هذه الحوادث يعد أمراً خطيراً جدا,ما دخل الكنيسه بحادث سرقه حتى وان كان الضحيه مسيحيا؟ هل الكنيسه جهه قضائيه؟ هل هى مخوله قضائيا أو دستوريا بالتحدث باسم المسيحيين؟,هل الكنيسه دوله داخل الدوله, أم هى سفاره مهتمه بمصالح رعاياها وحقوقهم؟ان كانت كذلك فلتعلن ذلك رسمياً حتى تصير الأمور أوضح.

(هصلى هصلى..مهما حصلى..,سنقف فى وجه الارهاب ) شعاران من ضمن ما رفعه المتظاهرون فى الدير بالمنيا بعد الحادث الأخير

البعض استنكر على استحياء تلك المظاهرات وحاول ايجاد العذر لهؤلاء باعتبارهم غاضبين, وأنا لا أراهم الا مجموعه من لغوغاء, وان أردت التسامح أكثر سأصفهم بالحمقى والمغرر بهم, ما دخل نزاع على أرض لا يملكها أى من الطرفين بصلاة المسيحيين؟ ان كان الدير يملك ما يثبت ملكيته للأرض فلماذا لم يرفع دعوى قضائيه لاثبات حقه مع أن الأمر قديم والنزاع متجدد؟

وان كان الفلاحون يملكون وثائق تثبت ملكيتهم للأرض فلماذا لم يقوموا بذلك؟ الأمر فى رأيى يمكن ان نلخصه بجمله واحده(غيبة القانون وتراخى هيبة الدوله) لا علاقة له بصلاة المسيحيين حتى يصرخوا هصلى هصلى مهما حصلى, ومن منعك من الصلاة أيها الغاضب المضطهد؟هل قام الفلاحون(المسلمون او العرب كما تصفهم المواقع المسيحيه على النت) بما قاموا به بنية منع المسيحيين من الصلاه فى الدير أم بنية استرجاع الأرض كى يزرعوها؟ ان كانوا مخطئين فسيحكم القضاء بذلك, وسيعلن القضاء أيضا عن قاتل الفلاح(المسلم) وفى جواز حمل الرهبان للأسلحه فى مكان يفترض انه للعباده.

قالت ضحى

2008-05-21T17:20:00.004+03:00

مقاطع من رواية بهاء طاهر العذبه..قالت ضحى

لا يضيع الدنيا الذين مع أو الذين ضد , ولكن يضيعها المتفرجون

لا تتباه بهمومك

آلاف من الناس يصفعون كل يوم , ولكن قليلاً منهم من يشعر بالإهانه أو الغضب , قليل منهم من يصيبهم مرض العدل

قالت وهى ترفع إلىَّ عينيها الواسعتين : - هل أغضبتك حقاً ؟ - نعم - كثيراً جداً ؟ - نعم - تقدمت منى حتى أوشكت أن تلامسنى وكان وجهها شديد الشحوب ثم قالت : - إذن فما أقل حبك , ما الحب إن كنت لا تستطيع أن تحمينى من نفسى ؟

هذه الدنيا نغم ٌ لا عراك , عشقٌ لا تمرد , فسلم ... لا تفكر

لا ألومك إن لم تعرفنى , فليست لدىَّ علامه !!!

- وماذا تقصد أنت بالشر ؟ -

قلت لم أفكر فى هذا قبل الآن , ولكن أظن أننى طول عمرى أكره القهر , قهر الإنسان بالفقر , وقهره بالخوف , وأهم من ذلك قهره بالجهل , أن يعيش الإنسان ويموت دون أن يعرف أن بالدنيا علماً فاته , وجمالاً فاته , وحياةً لم يعشها أبداً

حين تخون واحداً فأنت تخون العالم كله , عندما خنت صديقك فقد خنت أيضاً احلامك وأفكارك , لم يعد ممكناً أن تعود نفس الشخص

قد لا ينقذ من يطلب العدل العالم , وقد لا يقضى على الحيه , ولكنه ينقذ نفسه

أعرف أن طلب العدل مرض , ولكنه المرض الوحيد الذى لا يصيب الحيوانات

عندما تقرر الإنتحار تكون وقتها قد مت بالفعل , ما ينقذونه بعد ذلك لا يكون هو أنت , ولكن جثتك

اكتشفت عالماً هائلاً كان غائباً عنى , عالما ً من اللاشئ

جربت من قبل فى حياتى خيبة الأمل فى الحب , أحببت فتاة ً لم تبادلنى الحب , وعرفت آخرين تعثرت علاقتى بهم فى منتصف الطريق , وعرفت ذلك الألم , أن يشعر الإنسان أنه مرفوض ٌ ومهان وضئيل أمام نفسه , ولكنه لا يملك إلا أن يحب سبب ذلك كله , لا يملك إلا أن يراوده الأمل فى أنه ربما بطريقة ٍ ما , بمعجزة ٍ ما , ستورق من جديد تلك الشجرة التى سقطت فى الأرض وماتت , ستصل رسالة ما , مكالمة ما , سيلقى الوجه الذى هجره فجأه فى الطريق فتبتسم العيون وتتعانق الأيدى , ويرجع كل شئ , ستتحقق فى الصباح احلام الليل , ولكن مع الزمن , وإذ تظل الأحلام أحلاما ً, لا أقول أن الجرح يشفى , ولكننى كنت اتعلم كيف أعيش مع تلك الحربه المرشوقه فى داخلى كأنها جزء منى , إلى أن يأتى حب جديد , وألم جديد

اكتشفت أن الظلم لا يبيد .. ما الحل ؟ أن تحدث ثورة على الظلم ؟ نعم تحدث تلك الثوره , يغضب الناس فيقودهم ثوار يعدون الناس بالعدل وبالعصر الذهبى , ويقطعون رأس الحيه , ولكن جسم الحيه على عكس الشائع لا يموت , يظل هناك تحت الأرض , يتخفى , يلد عشرين رأسا ً بدل الرأس الذى ضاع , ثم يطلع من جديد واحد من هذه الرؤوس اسمه حماية الثوره من أعدائها , وهو لا يقضى بالضبط إلا على أصدقاء الثوره , ورأس آخر اسمه الاستقرار , وباسم الاستقرار يجب أن يعود كل شئ كما كان قبل الثوره نفسها, ورأس آخر اسمه الضرورة المرحليه , الظلم المؤقت إلى حين تحقيق رسالة الثوره , وفى هذه الظروف يصبح لطالب العدل اسم جديد , يصبح يساريا ً, أو يمينيا ً, أو عدوا ً للشعب , حسب الظروف .

سنرجع يوماً

2008-05-15T13:31:00.001+03:00

سيبقى خفاقاً..بنجومه الثلاث

2008-04-09T02:52:00.000+03:00

رساله من أطفال العراق00إلينا

غوصوا بِوحلِ الصمتِ فى أوطانِنِا

فالصمتُ فرضٌ00

والطريقُ مُمَهَّد

مـاذا سـَـيَجرِى إِن يَمـُـوتُ عِرَاقُنـَـا

فالقد سُ ضاعت قبلَه والمسـجدُ

مـاذا سيـجرى حيـن يَنهَـشُ لحمَنــَـا

ذِئـــبٌ حقِــيرٌ

بِالبِـــلاد يُعَربدُ

مـاذا صـنعتـم والدمــارُ يَحُـوطُنـَـــا

وجمـــوعُ شَــــرٍّ ضِـَّدنَـا تَتـَـوَحــَّــدُ

منــكم ضعيفٌ

خـانَ وِحـدَة دِيِننَـــــا

منــــكم ذليـــلٌ بِالهـَـــــوَانِ مُقَيــَّــــدُ

قل لِى بِربِّ البَــيـتِ يَـامَـن بِعـتَنـَـــا

أَتَخـاف ربَّكَ؟

أم تُـرى مـن تَعـبُُدُ؟

أتـنــامُ عينـُـكَ؟

أم تُراكَ حَسِــبتَنَــــا

أصــنامَ مِن طُــولِ البـَـلاَءِ

تَعـَـوَّدُوا

أَنَسِـــيتَ أَنـَّا فى المهـانـَةِ واحـِــــدٌ؟

أَنَسـِـيتَ طِفـلاً قـد جَفــَاهُ المَـرقـَــدُ؟

لا تَيأَسُوا

يَا كُلَّ من يَدعُوا لَنَا

فصَـلاحُنـَا رغــم المهـانــةِ عائــِـــدُ

سَـيَهُبُّ من تحـت الرمــادِ مُزمجِـرا

من قلـــبِ طفــلٍ

أوعَجـُـوزٍ تَســـجُدُ

لِيُعِــيدَ حِطِّيـنَ العُروبــَـةِ مِـن هُنـَـــا

فَالحَـقُ دومــاً فى النهــايـــةِ سـَـــيِّـدُِ

يقين

2008-04-08T16:15:00.000+03:00

بإيمانى
أعيش العام
تلو العام00
نفس الحلم00لا أنسى
يقينٌ لا يفارقنى
وقلبٌ تاق للمرسى
نقاء الروح يدفعنى
وشوقى للعلا زادى
حنينٌ أن يعود النور
ملء النهر والوادى
يزيد القلب إصراراً
ليعدو
نحو ميلادى
وأحلامٌ بطىِّ القلب
باتت غير محبوسه
تخايلنى
برغم البعد
كالأزهار ملموسه
تعطِّر كل أرجائى
كما الريحان والعنبر
فلن تمضى سوى لحظه00
تليها ومضةٌ أقصر
ليخرج بالفلا نبتٌ
بصبر العمرقد أثمر
يقيناً حينها أقهر
قيود وسطوة السجان00
أقتل فى الحشا
خوفى
أغالب قسوة الحرمان
أشهر فى المدى
سيفى
لأقطع دابر الأحزان
أسقط راية
الزيف

بمناسبة بهاء طاهر

2008-04-03T20:10:00.003+03:00

عنوان لافت جداً, ومعبر جداً, اختاره القائمون على احتفالية نقابة الصحفيين ببهاء طاهر بمناسبة فوزه بجائزة بوكر

العالميه فى نسختها العربيه الأولى

. مناسب جدا لأن وجود بهاء طاهر فى حد ذاته مناسبه تستحق الاحتفال, ولم لا ووجوده-وقليلون مثله- من الأشياء القليله التى تجعل الحياه محتمله,بل وأجمل كثيراً

. عرفت أدب بهاء طاهر العام الماضى فقط عندما صدرت واحة الغروب,وفى شهرين تقريباً كنت قد قرأت كل ما كتب, من بالأمس حلمت بك..إلى شرق النخيل..مرورا بأنا الملك جئت( التى تتشابه بنسبه كبيره مع السيميائى لباولو كويليو مع العلم بأنها صدرت قبل السيميائى, والتشابه يغريك بالمقارنه دائما,وستكتشف ببساطه أن بهاء أكثر ابداعاً وعذوبه من كويليو.) ووصولاً إلى الحب فى المنفى وقالت ضحى وهما من أجمل ما قرأت فى كل المجالات وليس الروايه فقط, وفى رأيى أنه لو لم يكتب بهاء طاهر غيرهما لكفى ذلك لجعله كاتباً عظيماً

. يعود الفضل فى معرفتى بأدب بهاء طاهر الى بلال فضل عندما أفرد صفحه كامله فى الدستور عن واحة الغروب وقت صدورها مما أغرانى بقرائتها,بلال فضل الذى تحدث فى الاحتفاليه عن اعتقاد الناس بأن اسم الكاتب يساهم فى نجاحه بغض النظر عن مستوى ما يكتبه وضرب مثلا بنجيب محفوظ على اعتبار انه كان نجيبا محفوظاً, والبهاء الطاهر أيضا,ويرد بلال على ذلك بأسلوبه الساخر بأن واحة الغروب لو صدرت بتوقيع وحشى بن حرب ستنجح نفس النجاح,ولأن الشئ بالشئ يذكر,يقول العرب أن لكل منا من اسمه نصيب, وفى رأيى أن بهاء طاهر أخد من اسمه نصيبه كاملا.

فى كلمته , أخبرنا بلال فضل أن الرئيس مبارك قرر تكريم الأستاذ بهاء واطلاق اسمه على أحد الميادين كما قرر إلغاء الحبس بحق ابراهيم عيسى الذى كان يدير الندوه,بالطبع كانت تلك هى كذبة أبريل, وبغض النظر عن التكريم الرسمى الغائب للرجل,يكفى أنه سيأتى يوم على مصر يكون مقرراً على طلاب المدارس سؤال من نوعية: اذكر اسم حاكم مصر فى الفتره التى عاش فيها بهاء طاهر, والغالب أن أحدا لن يعرف الإجابه

. بهاء طاهر نفسه يقول على لسان بطل الحب فى المنفى: لست مثل الذين يريدون اعتراف الاخرين بهم ,فليذهب الآخرون الى الجحيم ,أنا أريد أولا أن اعترف بنفسى

. لست ممن يغرمون بالمشاهير أبدا لمجرد كونهم كذلك , ولكنى ذهبت هذه المره فقط لكى أرى هذا الرجل بعد أن أعجبت بشخصيته قبل أدبه,بالفعل لم يخيب ظنى وأكد لى صورته التى رسمتها فى خيالى, عندما قدمت له نفسى وهنأته بالجائزه سلم على كما لو كنا صديقين قديمين, وبحميميه صادقه جدا, وطيبه وتواضع لا يوصف, وجه مصرى منحوت يشع بالطيبه, وجسد نحيل أكثر مما يبدو فى التليفزيون,باختصار هو من ريحة مصر التى أعرفها وأحبها

. ان أعرف بهاء طاهر متأخراً,خير من ألا أعرفه أبدا, هذا ما قلته لنفسى,حيث أنى كنت سأحزن جدا ان لم أقابل هذا الرجل برغم وجودى معه فى زمن واحد.

صباح الحنين

2008-02-20T18:13:00.002+03:00

صباحٌ يتوق إلى مقلتيكِ

ويحلم يوماً أن ترجعى

صباح الحنين إلى ما حلمنا

بفرح القلوب وبالأدمعِ

برغم البعاد تضمين روحى

ويرتاح قلبك فى أضلعى

بكل الليالى تطوفين حولى

وركب الحنين بقلبى يفوت

حرامٌ لقانا إذا ما أردنا

وهمس الحنايا طواه السكوت

بهذى البلاد تموت الأمانى

سلامٌ على كل حلمٍ يموت

فراقٌ يكلل كل الحكايا

وشوقٌ يرفرف فوق البيوت

حزينٌ هوانا كزهرٍ شريدٍ

فلا أرض عندى لكى أزرعه

هو الحب يهجر هذى الديار

وشمس القلوب توارت معه

بليلٍ طويلٍ يموت اغتراباً

وبرد المدائن قد أوجعه

إذا لم نعِشه كحلمٍ برئٍ

فشوق المحبين لن يرجعه

دموعٌ تغطى وجوه المرايا

فلا فرح يخفى ولا أقنعه

لإن يكفر القلب بالأمنيات

وبالأرض يوماً لن أمنعه

إذا عاد وطنى فلا أشتهيه

إذا قال عُد لى فلن أسمعه

بلا ذاكره

2008-02-16T04:13:00.000+03:00

فى فيلم المدينه,يتناول المخرج(يسرى نصر الله)قصة شاب يعيش فى حى شعبى ممضياً وقته بين أصدقائه وحبيبته,يسافر الشاب الى فرنسا ويتعرض لحادث يفقد على اثره ذاكرته بشكل كامل ثم يعود بشكل ما إلى مصر مرة أخرى.

حين يعود الى الحى يلتقى بحبيبته التى لا يذكرها,فيحبها مرة أخرى,ولم لا فذاكرة القلب عصية على الفقد.

ما يشدنى هنا هو علاقته بأحد أقرب أصدقائه أو من كان يعتبره كذلك,حين يتعامل معه بذاكرة بيضاء يصل ليقين كامل باستحالة كون هذا صديقه,كيف وهو لا يتفق معه فى أى شئ,ويسخر من مشاعره بل ويحقد عليه أيضا,كل الحكاية أن مكانا واحداً قد جمعهم,لا أكثر ولا أقل.

أمن الضرورى أن أفقد ذاكرتى كى أصل لما وصل إليه بطل الفيلم؟ آهٍ لو كنت بلا ذاكره!!

لن أنتظر هذا الحادث والذى ربما لن يحدث أبداً,سأفعل كما فعل هذا الذى بلا ذاكره,سأنظر للمحيطين بى وكأنى ألقاهم لأول مره,سأقيِّم علاقتى من جديد بكل من حولى,أسهل كثيرا من التفكير لم ابتعد هذا,ولم تغير ذاك, هو التسليم بأن هذا ليس صديقاً غدر,هو ليس صديقا فحسب.

لا يعنى هذا أننى سأعيش وحدى,فقط سأعيد ترتيب الأمور,وليحتل كل انسان المكان اللائق به.

الحق أنى مدين لنفسى باعتذارات كثيره,عن أوجاع كثيره ,كان من المكن تفاديها بقليل من التفكير,فمن لا يجد وقتا ليسأل عنك, من باب أولى لا يجد وقتا ليفكر فيك,فضلا عن أن يحبك.

وهذا لا يستحق بالتأكيد ان تسعده بعتابك,فالعتاب من الحب.

فى الخلفيه:فريد الأطرش(اتقل اتقل ع اللى بيتقل وما تسألش عليه,وابعد واسأل ع اللى بيسأل ليه تتحير ليه)

لم تعد الدنيا تتسع للشرفاء

2008-02-10T00:30:00.000+03:00

أخشى أن تكون تلك حقيقه فعلا

مصر كانت تحتاجك أكثر

لا اعتراض على قضاء الله

ستعيش طويلا يا أخى

انا لله وانا اليه راجعون

من حقنا نحلم...ولو كده وكده

2008-02-01T23:20:00.000+03:00

أن يقدم أحدهم إلى هديه,فهذا حدثٌ نادر ُلو تعلمون,ولكنه حصل فعلا أيها الأخوه المواطنون, صديقه عزيزه أهدتنى سى دى عليه مجموعه من الأغانى للشيخ إمام , أحمد منيب, و الألبوم الأخير لوجيه عزيز.

معرفتى بوجيه عزيز لم تكن تتعدى مجرد سماعى باسمه أحياناً , حتى استضافته قطعة السكر الشهيره بمنى الشاذلى قبل نحو عام , ليلتها دهشت جدا للحاله التى كنت فيها وانا استمع اليه ,كنت مبسوط جدا,جايز حظه انه جه وانا عندى استعداد او نفسى أفرح مثلا, مش عارف, بداية لا أعتقد أن وجيه يعد من بين الأصوات الجميله أو على الأقل هو ليس من أجمل الأصوات , هو فى رأيى حاله متكامله ,حاله مصريه خالصه , جميله , متفرده , احساسه العالى يسبق صوته بكثير , وكونه صاحب مشروع فنى يجعلنى احترمه كثيرا , يتجاوز وجيه أغانى الحب والهجر التى زادت عن الحد حتى أساءت للحب نفسه , وزيفت مشاعر أعتبرها أرقى كثيرا مما تبدو فى كلمات من يغنون الآن.

فى ألبومه الأخير ( ناقص حته) يتعامل مع الشاعر على سلامه فى كل الأغانى باستثناء أغنيه واحده لمجدى نجيب, والألحان كلها لوجيه , وللتعريف بوجيه الملحن(اللى يقدر يلحن الجرنان على رأى واحد صاحبى ماتعرفوهوش) يكفى أن تعرف انه ملحن أغانى ممكن وإيديا فى جيوبى ومن أول لمسه لمنير.

وجيه, كمنير وعلى الحجار , يشعرنى أنه يغنى لى وحدى , وأحيانا كثيره يطبطب علىّ ,وهل هناك أجمل ممن يحاول اخبارك ان من حقنا نحلم ولو كده وكده؟

انا مثلا مقتنع تماما ان كل حياتنا كده وكده , يعنى بلدنا دى وكأنها بلدنا, واحنا وكأننا عايشين فيها, بنروح الشغل ونعمل اننا بنشتغل , وهما بيعملوا انهم بيدونا فلوس, الحاجه الوحيده الحقيقيه فى حياتنا هى الحزن , طيب ليه بقى ما نجربش نحلم ونفرح..ولو كده وكده؟

اناهجرب. بس على الله لما اجى افرح,ألاقى فاضل ف القلب حته .

على سلامه هو الآخر فى نظرى ليس من أعظم الشعراء, لكنه صادق جدا,وحقيقى لأقصى حد , ومع ايمانى بأن الأغنيه لابد وأن تُسمع لكى يصلك احساسها ,سأنقل هنا بعض الكلمات من (ناقص حته) للعزيز وجيه.

من حقنا نحلم

ولو كده وكده

ونشوف الدنيا حلوه

مع انها مش كده

من حقنا نحلم

نحلم بس وخلاص

ونقوم الصبح عادى

نقابل نفس الناس

من حقنا نحلم

نحلم حتى فى سكات

ونشوف حاجات حاجات

مثلا الناس سعيده

وشاطره مش بليده

وقريبه وبعيده

بتحضن بعضها

مثلا مفيش جراح

والخنقه بقت براح

وانا لو تعبت ارتاح

فى حضن قلبها

مثلاً الكون جميل

والنيل بقى الف نيل

وطن مالوش مثيل

ف الدنيا كلها

من حقنا نحلم

ولو كده وكده

قلب الوطن مجروح..لايحتمل أكتر

2008-01-18T00:48:00.000+03:00

العيشه مره لكن ..أهى أحسن من مفيش

****** أغنية التتر لفيلم حين ميسره

بمر بحالة ملل بقالى فتره طويله,رغم وجود اللى يشغلنى زى شغلى وزى دراستى فى الماجستير,بس انا عندى احساس مش قادر أقاومه وهو إنى مش عايش..ع الأقل زى مانا عايز,يعنى ما بعملش حاجه تقريبا من اللى بحبها,وكمان بعمل حاجات كتير مبحبهاش ,بس ما باليد حيله,حتى اصحابى تقريبا فشلت كل المحاولات اننا نتجمع مع بعض مره ولو ساعه حتى,لظروف بقى مختلفه خاصه بكل واحد . المهم قررت فجاه كده من يومين انى أخرج, بس هروح فين؟ افتكرت انى بقالى كتير ما رحتش سينما,وفيه كم فيلم كويسين بيتعرضوا دلوقتى,قررت اشوف فيلم الجزيره لانى قبل ما أخرج كنت بقرأ نقد كويس عنه لأحمد صالح فى الاخبار,نزلت وسط البلد ولقيتنى عند سينما مترو بس ما بيعرضوش فيلم الجزيره,قمت بعد تفكير شويه دخلت حين ميسره لخالد يوسف زى مامكتوب على الأفيش(الاسم الوحيد ع الافيش هو اسم المخرج)

الفيلم مدته ساعتين وتلت تقريبا ,للأمانه محستش بالوقت خالص, واستمتعت جدا بغض النظر عن رأيى فى محتوى الفيلم اللى هبقى أقوله بعدين,بس قعدت ساعتين لوحدى حتى لو حواليا حوالى 500 واحد, بس محدش منهم يعرفنى,بتفرج على الفيلم بطريقتى,بشوف زاوية التصوير ازاى ,وحركة الكاميرا, والاضاءه,وتعبيرات الوشوش,وتقطيع المشاهد وترتيبها, بشوف مصر الأخرى اللى يمكن ناس كتير ميعرفوش انها موجوده, مصر المسحوقه,المنداسه,المغتصبه ,المهانه,ال.... كتير أوى

. اكتشفت ممثل عملاق وكأنى بشوفه لأول مره اسمه عمرو عبد الجليل اللى كأنه اتولد من جديد,قدم دور عمره,ضحكنا كلنا فى عز الغم اللى فى الفيلم,ضحكنا على الهم نفسه

ووجعنا أوى وهو بيقول لعمرو سعد :هو احنا للدرجه دى مش باينين ولا مش موجودين أصلا؟ فكرنى بكلام سيد حجاب(أقسى همومنا تفجر السخريه,وأصفى ضحكه تتوه ف بحر الدموع) وهاله فاخر, وعمرو سعد ,واحمد بدير كلهم كانوا فوق العاده دخلت الفيلم وانا مبحبش خالد يوسف, وعجبنى الفيلم , وخرجت برضه وانا مبحبش خالد يوسف مع اعترافى بحرفيته الشديده,بس ده هبقى اتكلم عنه مره تانيه

كمان الفيلم كان فيه شوية أغانى روعه من لون فؤاد حداد ووجيه عزيز بس للأسف نسيت اسم المطرب اللى هو كمان الشاعر لأنه مش مشهور. بعد الفيلم اتمشيت من طلعت حرب لحد كوبرى قصر النيل, الجو كان تلج, بس وقفت برضه ف نص الكوبرى شويه أبص للنيل وللناس اللى بيلعبوا حب على رأى محمود عزت,وبعدين كملت لحد الاوبرا ووقفت عند الراجل بتاع الكتب اللى هناك, قلبت فى كتب عمر طاهر (شكلها باظت وكابتن مصر), و(قلمين) لبلال فضل,بس اشتريت كتاب تانى خالص,من اجمل ما قرأت فى حياتى ,كتاب اسمه( تاكسى ..حواديت المشاوير) لخالد الخميسى,خلصته فى يوم ونص , ما يبعدش كتير محتوى الكتاب عن اللى شفته فى السينما,البطل واحد هنا وهنا,الناس اللى وقت الشده بيسدُّوا ووقت الفرح منسيين زى ما بتقول اغنية تتر النهايه فى الفيلم

وأناراجع تانى ناحية التحرير قابلت واحد حسيت انى اعرفه وبعد ما فات بمسافه كبيره رجعت وراه بسرعه وقلتله هو انت هانى جورج؟انا ما شفتش هانى غير فى الصور وده شبهه جدا,قلت ياريت يطلع هو عشان اتكلم معاه شويه, بس قاللى لأ,اعتذرت له وكملت مشى

انا هبقى اقول رأيى فى حين ميسره وكتاب تاكسى حين ميسره ان شاء الله. النهارده سمعت لأول مره اغنيه لمنير عندى بقالها كتير أوى ومسمعتهاش غير دلوقتى

اسمعها اسمها قلب الوطن مجروح

قلب الوطن مجروح

لا يحتمل اكتر

نهرب وفين هنروح

لما الهموم تكتر

نحمى غصون الورد

من دمع سال ع الخد

آه يا حبيبة الروح

قلب الوطن مجروح

لو حتى قلبى تاه

بين الشجن والآه

ياللى لقاكى حياه

أنا حبى ليكى صلاه

يا مطيّره العصافير

رجع الهوا بالخير

لو قلبى عاد ضميه

اديه حنان وداديه

دا الصمت مش لينا

فين الولد ما يروح

لازم يعود أسمر

قلب الوطن مجروح

لا يحتمل أكتر

لو تنطقى الموال

لازم يروق الحال

محتاجه ليا دراع

وشراع وراحة بال

محتاج ليكى نجوم

هايمه ف حضن هلال

لو بحرى نام اسقيه

صحيه وبوسى عنيه

ياما بكره يسقينا

خليه طريق البوح

يصبح طريق مرمر

قلب الوطن مجروح

لا يحتمل أكتر

توبه

2007-12-07T17:24:00.000+03:00

لأنك منى فلن تتركينى

ولن تحرمينى من الأغنيات

لأنى لقيتك دون اختيارٍ

ستبقين قربى حتى الممات

لأن انسحابك منى انتحارٌ

وموت البراءة والأمنيات

جفاءٌ بقلبى تخلصت منه

فقد كان نبتاً غريباً ومات

من الآن عمرى لديك ارتضاءً

وفى الليل يغمر قلبى سناك

أنا لن أعيش إذا غبتِ عنى

فنبض الفؤاد يقيناً هواك

أنا كنت طفلا ًيريد احتواءً

وما ضم حلم الليالى سواك

فحين اللقاء أذوب اشتياقاً

ولو ترحلين فقلبى هناك

أعود لكى نستعيد الحكايا

وأعبر نحوك بحر الحنين

وأعرف قلبك طفلاً بريئاً

فيوماً يصد وألفاً يلين

سترضين عذرى ولن تجرحينى

ولن تستبيحى غرام السنين

فكل المحبين عاشوا بوهمٍ

وحبى وحبك عين اليقين

حين أحبك

2007-11-17T18:02:00.000+03:00

حين أحبك

أعبر كل بحار الدنيا

فوق جسور الصبر..أمُرّ

أرحل نحو جهاتٍ أخرى

أغرس فيها حلم العمر

أعشق كل حروف أ ح ب كِ

أسكن فى أوراق الزهر

أبحر فى عينيك طويلاً

علِّى أعرف سر السحر

أبصر فى عينيكِ بلادى

أغرق فى قنينة عطر

بدوق الشهد بكفوفك

2007-10-25T01:51:00.001+03:00

عشقتك فرحه جوايا

ينور ضيها ليلى

أنا حاسك

انا نُصِّك

عيون قلبك قناديلى

ولو ببعد أنا مره

عطش روحك يناديلى

أجيلك

ترتوى منى

أغنيلك وتدعيلى

أكون حضنك

وأحميكى

أفضفضلك وتحكيلى

بحبك

أيوه بالفطره

وقبل عنيا ما تشوفك

يزيد المُّر ف الدنيا

وأدوق الشهد بكفوفك

أنا عاوزك

تقولى فرحتى أنت

باحساسك

مع حروفك

تحسينى

اكون منك

وأكون أمنك مع خوفك

تخافى لو أضيع منك

وأغلى حتى من شوفك

أنا عارف

ف روح روحك أنا ساكن

وبتدارى ورا كسوفك

العرب جرب ... وأنا طفسطائى

2007-10-11T06:57:00.000+03:00

أثناء تصفحى لبعض المدونات دخلت بالصدفه مدونه اسمها بنت القمر فى أول الأسبوع تقريباً ,كانت عامله بوست بمناسبة ذكرى نصر أكتوبر عباره عن صور لبعض قيادات الحرب مع تعريف بكل منهم , بوست لا يفتح مجالاً لأى نقاش , وعليه ومع عدم معرفتى بصاحبة المدونه دخلت التعليقات عشان أقولها كل سنه وانتى واحنا طيبين

. بس وانا بعلق لفت نظرى فى تعليق الأخت شهروزه الكلام ده

: حتى الآن ينكر علينا أجلاف الصحراء و براميل الخليج النصر والفخر فى أكتوبر

لأنهم لا يملكون تاريخا" يتفاخرون به

ولا حاضر يتباهون به

وبعدين لقيت صاحبة المدونه فى ردها على شهروزه بتقول الكلام ده

: مش بس براميل الخليج الي بيحسدونا علي اكتوبر وبينكروه علينا للاسف الشديد بعض الاخوة المصريين

اللي بيحبوا يتشيعوا لناصر ولو علي حساب اي شئ

بينكروا النصر وبينكروا المعجزه

فأنا قمت داخل كاتب الكلمتين دول

: أولا كل سنه واحنا طيبين

بس انا مش فاهم ايه حكاية اللى بيتحيزوا لناصر وبينكروا انتصار اكتوبر

مين قالك المعلومه الفشنك دى؟

الحرب بدأت فى يوليو 67 بمعركة رأس العش اصلا

ومفيش حد ينكر دور عبد الناصر فى اعادة بناء الجيش وحرب الاستنزاف

ومحدش يقدر ينكر دور السادات فى تكملة المشوار

رحمة الله على الاتنين

هو احنا لازم نبقى فريقين فى كل حاجه حتى فى الفرحه؟

وكمان نحشر سيرة الخليج فى الموضوع

هما ساعدونا فى 73 وده كل الناس عارفاه

وبراميل وكلام بايخ مالوش لازمه

تقريبا عشان تبقى مثقف ومتنورلازم تشتم فى الخليج

على اساس انهم مش عرب ولا بنى ادمين يعنى

وده كان رد بنت القمر صاحبة المدونه عليا

: محمد الهنداوي

وحضرتك طيب

اول زياره وتقول علي معلوماتي فشنك!!!اشكرك بشده

لا في ناس متعصبه جدا لناصر وبتنكر نصر اكتوبر وشايفه انه مؤامره غربيه لاخراج مصر ما اللعبه السياسيه في الشرق الاوسط وتحييدها علي الاقل وفي مدونات قائمه بذاتها عشان تبخ الكلام دا انت بس اللي مش واخد بالك

تانيا انا نا انكرتش لا دور جمال عبد الناصر ولا ما اكمله السادات

تالتا

تلاخوه العرب مش براميل ولا حاجه دول ناس زوووق زوووق وهما بني ادمين زينا بس للاسف برضه حضرتك مش واخد بالك ان فريق مش قليل منهم بيكره المصريين وبرضه بينكروا النصر وخصوصا مش الخلايجه اقول لحضرتك انا دول الشوووام ودا من اقاءات ليا مع شوام كتير دا حتا واحد لبناني نعرفه دخل معانا في جدل ان اكتوبر دا لعبه بالنسبه لتحرير جنوب لبنان

ورغم ان المقارنه غير جائزه بين حرب شامله علي ارض مكشوفه وجبهه طويله ممتده الي حرب شوارع تعتمد علي الكر والفر ودا مع كامل احترامنا لحزب الله لكن الغيره بقا تعمل ايه فيها

علي فكره مسمعتش عن عبد الباري عطوان؟؟اهو دا صحفي فلسطيني كرس حياته للحقد علي كل ما هو مصري يا ريت حضرتك تبقا تتابعه واهلا بيك دايما بس من غير ما تشتبك مع الزوار الاخرين

تحياتي

أنا بقى جيت رديت على كلام بنت القمر الأخير ده فى عدد من النقاط

: قلتلها انها كررت تعبير البراميل فى ردها على شهروزه وده معناه انها موافقه عليه وانا متحفظ على وصف أى بنى ادم بهذا الوصف

. وقلتلها انه يُفهم من كلامها ان كل الناصريين او معظمهم بينكروا نصر أكتوبر وقلتلها ان محدش يقدر ينكر النصر العظيم الا لو كان أهبل وانه على حد علمى ان فيه مجموعه من الناصريين وغيرهم شايفين ان ما أخرج مصر من دائرة اللعبه هى كامب ديفيد وليس الحرب وان ما تحقق بالنصر العظيم أضاعته المفاوضات فى كامب ديفيد

. وكمان زعلت من تعبير (فشنك ) فانا قلتلها ان دى مش شتيمه وانا بالطبع لا أقصد اى اهانه وانما فشنك فى نظرى تعنى غير صحيح او غير حقيقى وهذا رأيى فى الجزء الخاص بكون الناصريين بينكروا نصر أكتوبر

وقالتلى انها اتهمتها بانها انكرت دور عبد الناصر فى الحرب وانا قلتلها عندى دى يعنى ما قصدتش كده دانا حتى قلت ان الحرب بدات فى عصر عبد الناصر بمعركة رأس العش وأكملها السادات بالنصر رحم الله الاثنين

بخصوص كره العرب لمصر فواضح من ردى انى لم اعترض ولم اوافق انا بس قلتلها انه فيه اكيد عرب بيكرهوا مصر وفيه كمان مصريين بيكرهوا مصر , بس انا ضد التعميم ولما نيجى نقول ان كل العرب ليهم رأى موحد فى موضوع ما يبقى لازم يكون فيه استطلاع رأى اتعمل وخرج بالنتيجه دى , وسألتها ان كان عندها استطلاع زى ده؟ لانها مثلا قالت ان الشوام بينكروا الحرب واستشهدت بواحد لبنانى فانا قلتلها ما يصحش نختصر الشوام فى واحد وبعدين السوريين الى حاربوا معانا عرب وشوام معقوله بينكروا الحرب؟

وحاولت تدينى مثال ان الفلسطينيين زى باقى العرب والدليل عبد البارى عطوان اللى بيهاجم مصر , وانا قريت للراجل فى القدس العربى وسمعته على الجزيره وبى بى سى العربيه كتير بيهاجم النظام المصرى ومش بيهاجم مصر وقلتلها ان مصر لا تختصر فى حكامها

. عاوز أفكركم انها قالتلى بلاش اشتباك مع باقى الزوار

انما مافيش مشكله ان الزوار دول يشتبكوا معايا ويشتمونى كمان , خد عندك كلام الأميره أوسه فى ردها عليا

: انت جاى تذاكر؟ بتكتب جزء من تعليق بنت القمر وترص شوية طوب بعده؟(لاحظ السخريه وتعبير الطوب فى وصف كلامى

) انت كده مش بتفند اراء الاخرين انت بتحاول تقمعهم ( شوفت ازاى؟ على اساس انى شايل مقمعه وانا داخل)

وبتسأل عن استطلاع على اساس انها معهد احصاء وسعادتك محلل سياسى؟ (برضه سخريه من سعادتى بس الاهم ان اللى يتكلم عن حاجه المفروض يجيب دليل ومادام هو مش معهد احصاء يبقى ما يتكلمش عن الاحصاءات)

وشرحتلى اد إيه ان العرب بيكرهوا مصر , ولو مش شايف يبقى دافن رأسى فى الرمل واحتمال تطلع عربان صغيره ( خفة دم واضحه طبعا) .

وشايفه ان لهجتى فى الحوار متدنيه (بس ما قالتش متدنيه عن ايه او بالنسبه لايه) وفيه ترفع ( وعلى حد علمى ان الترفع مش حاجه وحشه لانه دايما بنقول ترفع عن الصغائر انما الكبرياء او الغرور هو اللى مذموم) واصرار عجيب( وما قالتش برضه اصرار على ايه , على رأيى يعنى؟ وهل اصرارى على رأيى يحسب عليا ؟)

نكمل كلامها : انت جاى تدافع عن أكياس الجوافه المسماه عرب؟

نسيت أسألك جنسيتك ايه؟ ( التلميح السخيف والساقط هنا هو ما لم أتحمله وفكرنى على طول بعبد الله كما لومحمد على ابراهيم فى تعاملهم مع أى مخالف فى الرأى

) كلامك اعتراض من أجل الاعتراض (دخلت ضميرى) وانت سفسطائى ( ده أنا برضه

) ختمت بقى بقولها انا عنصريه ضد العرب لأن العرب جرب

جت بعدها الحاجه شهروزه تكمل بقى

: انا مش مذاكر تاريخ وعشان كده معرفش ان كلامهم صح

وبتنصحنى أروح شهرين أى دوله عربيه عشان اتأكد بنفسى لما ينادونى ب يا ابن الرقاصه او يدونى بالقلم على قفايا

وبتصحنى انى ادخل موقع العربيه نت و اتكلم عن مصر او انصر بتاعى(عشان اللبس هى اكيد تقصد جمال عبد الناصر على اساس انه بتاعى يعنى شوف الأسلوب ) وانا اشوف من التعليقات ان كلامهم عن العرب صح

. ختامه بقى مش مسك لا ده حاجه غير كده خالص من بنت القمر صاحبة المدونه

: محمد الهنداوي

بما ان معلوماتي فشنك وكلامي مرسل بلا دليل ودمي يلطش واحنا رمضان ومش طالبه مناكفه مع حد وانت واخداك القوميه والعروبه

فانا اشكرك علي مجهودك في تاني تعليق

وعلي زووقك المتناهي

واستلم من اختاي اوسا وشهروزة

لانه علي راي من قال مفيش فايده

كل سنه وانت زى ما انت

ما اعترضتش هنا على اشتباك الزوار معايا

وما ردتش على كلمه واحده من كلامى على اساس اننا فى رمضان ومعرفش لو مكناش فى رمضان كانت هتعمل ايه؟ وحتتين بقى من نوعية زوقك المتناهى (اللى هو مش محتاج تأكيد منها ولا انا محتاج منها شكر)

وانا واخدانى القوميه والعروبه وده صحيح وافخر به بس ما قلتليش هى وصاحباتها ايه اللى واخدهم بالظبط؟

واستلم من اختيها على طريقة عليه يا عيال , وبعدين تهنئه رقيقه من الاخت بنت القمر (كل سنه وانت زى مانت) ياستى وانتى وصاحباتك زى مانتوا برضه

هما بس فاتهم يفكرونى بالشيكات اللى باخدها من القذافى واللى كنت باخدها من صدام

. انا حبيت اعرض الموضوع ده اللى خلانى اكتشف ان اسلوبى متدنى , وانى بقمع الاخرين , وسفسطائى , وكلامى زى الطوب , ومش مصرى صحيح , وبدافع عن اكياس الجوافه وبراميل النفط أعداء الوطن . وكمان أجرب بما نى عربى وان العرب اللى أبوهم اسماعيل عليه السلام ومنهم سيدنا رسول الله (ص) كلهم جرب

. أرجوك ما تستعجبش لو دخلت مدونة شهروزه ولقيتها بتدافع عن الصحفيين شهداء الحريه وحقهم فى الاعتراض والنقد

. وأخيرا لو انا كنت غلطت فى أى كلمه يا ريت حد ينبهنى عشان اصلح الغلط , أما بخصوص الكلام اللى اتوجهلى فأنا أحتسبه عند الله

دولا مين ودولا مين ...دولا ولاد الفلاحين

2007-10-06T03:22:00.000+03:00

السادس من أكتوبر

زمان أيام المدرسه ماكنتش أعرف عن اليوم ده غير إنه أجازه من المدرسه،وطبعاً محدش فكر يقولنا ايه اللى حصل فى اليوم ده بالتفصيل ولا اللى حصل قبله فى 67 يمكن عشان ده بيتعارض مع اتفاقية السلام مع اسرائيل الشقيقه انهم يوعوا الأطفال على اللى حصل من أولاد العم .

المهم بعد ما كبرت شويه ابتديت أعرف اننا فى اليوم ده هزمنا جيش العدو الصهيونى وكانت بدايه لتصحيح وضع خطأ بدأ سنة 67 .

لما كبرت أكتر شويه عرفت كمان اننا حاربنا فى 73 عشان نخرج اليهود اللى كانوا لابسين بدل عسكريه كاكى من سينا وبعد كده قعدنا معاهم واتصالحنا وشربنا فى صحة بعض عشان ندخل نفس اليهود سينا تانى بس بمايوهات بكينى كاكى او أى لون تانى او من غير مايوهات خالص حسب درجة الحراره يعنى

. عرفت كمان انه وبرغم الهزيمه المره فى 67 الشعب ما انكسرش بصوره كامله بدليل انه بدأ حربه للتحرير بعد كم أسبوع بس .

دلوقتى احنا مكسورين من غير حرب ولا حاجه .

لما رحت سينا وشفت الوضع اللى البدو واهل سينا عموما عايشين فيه وبعدين رحت شرم الشيخ فى الحقيقه مع جمال المناظر هناك انا مقدرتش استمتع باللى شايفه زى ماكنت متخيل

فضلت أفكر هو الفلاحين الغلابه اللى ماتوا فى الحرب دول كان فى بالهم وهم بيضحوا بروحهم انهم بيحرروا سينا لغيرهم؟

وانهم مش مكتوب لاخواتهم او أولادهم من بعدهم انهم يدخلوا سينا إلا عشان يشتغلوا فى المطاعم أو القرى السياحيه وكمان معرضين للطرد والتضييق طول الوقت؟

او كانوا يتخيلوا مثلاً انه هييجى يوم الصهاينه يبرطعوا فى سينا اللى شربت دم الفلاحين المصريين ويوسخوها وكمان يدخلوا من غير تأشيره؟

ولا ان كل التضحيات اللى عملوها دى هتختصر كلها فى اول طلعه جويه؟

أمانه عليكوا كل ما ييجى اليوم ده تفتكروا إن الفلاحين والغلابه هما اللى حرروا سينا

وهما اللى هيحرروها تانى لو لا قدر الله حصل حاجه تانى

ادعولهم بالرحمه, واللى يعرف حد منهم شخصيا او يعنى حد من قرايبه يعلق صورته فى بيته ويحكى لولاده عنه حاول تدخل أى بيت فى اى شارع فى مصر غالباً هتلاقى فيه شهيد او مصاب او واحد رجع من الحرب سليم بفضل الله .

خلينا نفكر نفسنا طول الوقت ان البلد بتاعتنا احنا , ماهو مش معقول حد يدفع حياته فدا حاجه مش بتاعته

. حاولوا ما تنسوش الناس دول حتى لو غيرنا نسيهم

وماتنسوش كمان الأسرى اللى اتدفنوا أحياء فى .67

انا متأكد إن مصر ما بتنساش ولادها , حتى لو كان اللى خطفوها بيحاولوا يخلوها تنسى

. كل سنه واحنا طيبين ,كل سنه واحنا عارفين عدونا كويس جدا , كل سنه واحنا فاكرين دم الشهدا وشايلينهم فى قلوبنا وعنينا .

ملحوظه:

من أجمل ما كتب من أعمال أدبيه معبره عما قلته هى رواية الحرب فى بر مصر للأديب يوسف القعيد واللى اتحولت لفيلم ( المواطن مصرى) لعمر الشريف

فى الليلة الظلماء يفتقد البدر

2007-09-28T01:35:00.000+03:00

الناس صنفان00

موتى فى حياتهم

وآخرون ببطن الأرض أحياء

***

أحمد شوقى

سيرة الأراجوز قريبا على كل لسان

2007-09-24T22:54:00.000+03:00

باختصار يا جماعه

الديوان الاول للشاعر الصعيدى جدا اوى يعنى

خالد عبد القادر

الصادر عن دار ملامح للنشر هيكون فى المكتبات ان شاء الله أول أكتوبر

هتلاقوه فى الأماكن دى

:مكتبة سندباد - شارع الشريفين - خلف فندق كوزموبوليتان

مكتبة البلد - أمام المدخل الرئيسى للجامعة الأمريكية

مكتبة عمر بوك ستور - 15 ش طلعت حرب أعلى مطعم فلفله

مكتبة مدبولى - ميدان طلعت حرب

مكتبة سينشرى روز اليوسف - شارع القصر العينى

مكتبة أفاق - أمام دار الحكمة - شارع القصر العينى

مكتبة العربى - بجوار صيدلية العزبى - شارع القصر العينى

مكتبات دار الشروق

مكتبة ديوان - شارع 26 يوليو - الزمالك

مكتبة أينشتين - شارع المنصور محمد

لوكير - شارع حسن صبرى

بانزروتى - شارع المنصور محمد

مكتبة كتب خان المعادي

أينشتين المعادى -

المهندسين

مكتبة مدبولى الصغير - سور نادى الزمالك

مكتبة مدبولى - شارع البطل أحمد عبد العزيز - بجوار بيتزا هت

مكتبة الماستر - طريق مصر أسكندرية الصحراوى

هنا قلبى

2007-09-14T02:57:00.000+03:00

قضيت العمر رحالاً

سكون الروح أمنيتي

وحلم القرب يأخذني

رسمت الحلم عصفوراً

يعانق شدوه أذني

رجوت الله مشتاقاً

وحيداً صرت بالدنيا

فيا ربى أتنقذنى؟

ألوذ ببابك اقبلني

وخفف لوعة الحزن

دموع القلب أسكبها

ويا دقاته ابتهلي

أعود إليك مجروحاً

ومنكسراً بلا مهلِ

فبعدى سر آلامي

وقربك منتهى أملى

****

هنا قلبي

هنا حبٌ

وإيمان

وفيض من سنا ربى

يبدد كل آلامي

ويفرش بالمنى دربي

التاج علينا حق

2007-09-09T17:55:00.000+03:00

التاج ده جالى من الباشمهندسه مى

تقريبا متوصيه عليا يا جماعه

استعنا بالله

لو قالولك اختار عصر من عصور مصر

علشان تعيش

فيه

تختار اى عصر و فى عهد اى حاكم ؟؟اشمعنى العصر ده؟؟

هو انا طبعا وبالصدفه السعيده اتولدت سنة

يعنى ما شفتش غير العز اللى احنا فيه ده

لو بتقارنى ال3 عصور بعد الملكيه

هختار فترة حكم ناصر بلا تردد

بكل ما فيها من عيوب

لانى مؤمن بالعروبه

وبالقوميه

وبالشعب الغلبان اللى انا منه

وبالقطاع العام

والاصلاح الزراعى

والعداله الاجتماعيه

بغض النظر عن أخطاء التطبيق

وغياب الديمقراطيه واللى فى رأيى لم تكن مطلبا ملحاً كما هى الان

وكل اللى انا عايش فيه دلوقتى ضد قناعاتى

لو عصر قديم مش عارف الحقيقه

اعتقد ان كل معلوماتنا عن التاريخ اللى عرفناها فى المدرسه مشوشه ومش مظبوطه عشان كده مقدرش احدد

اول اولويه فى حياتك

عيلتك

شغلك

ولا اصحابك؟

المقارنه شويه مش منطقيه

مافيش اى تعارض بينهم

عموما انا بحب عيلتى واصحابى

شغلى بعمله على قد ما اقدر عشان رضا ربنا وبس

ايه اكتر حاجه بتحبها فى رمضان؟

اذان المغرب

رمضان كله حلو

الناس بيبقوا مؤدبين فى رمضان

وربنا يرحمنا

ومن الحاجات اللى بستفيد منها انى بعرف اى حاجه غلط بعملها بسبب نفسى ولا بسبب شوشو لانه بيبقى متكتف طبعا

اوصف ليا اجمل فطار ممكن تفطره

يا ستى المهم نفطر

انا ما بحبش الاكل خالص على فكره

باكل بس عشان احساس الجوع ينتهى وخلاص

اول ما بشرب اى حاجه وقت المغرب لو حتى ميه ممكن استنى بعدها من غير اكل مش مشكله

لو انت حاكم على مجموعه من الافراد هتكون عادل؟؟

طب هتعمل ايه عشان تتأكد انك حاكم عادل؟

نظرياً هقولك طبعا هكن عادل

وسامح كمان

واحتمال اشرف

بس عمليا انا مش ضامن نفسى ولا ضامن الفتنه

والحاج ابو جمال اول ما مسك كان بيقول الكفن مالوش جيوب

الوقتى شوفى بقى

عشان كده بقول اللهم احينى مسكينا

اللى بيبوظ الحكام نفسهم؟

ولا الشعب؟

ولا الحاشيه المقربه؟

ده برضه سؤال صعب

بس اعتقد السلطه نفسها هى السبب

وخصوصا فى بلد يحكم بنظام الفرد الواحد زى مصر

سلطه مطلقه

مع غياب المحاسبه اكيد مفسده

بتزيد طبعا لو الواحد نفسه عنده استعداد انه يفسد

والشعب كان مأنتخ وسايبه

مين اكتر اعلامى مصرى بتحترمه؟

اكتر من اسم

مجدى مهنا

فهمى هويدى

محمد القدوسى

منى الشاذلى

وحموده أبو سحله

قريت ديوان عمر مصطفى صاحب بلوج تجربه(اسباب وجيهه للفرح) عن دار ملامح ولا لسه؟ لو اه ايه رايك فيه؟

لا الصراحه ما قريتوش

لو حد يكلمهولى يبعتلى نسخه يبقى كتر خيره

انا بقالى شهرين ما قبضتش

او يكلم حد من الساده المسئولين يقبضونا

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

انا فعلا عمرى ما حلمت اكون طبيب

انا صحيت لقيتنى كده

ممكن مهندس كان يبقى مناسب لشخصيتى اكتر وطبيعة تفكيرى

ايه تانى بلد تتمنى تعيش فيه بعد مصر؟ لو انا قدرت اسيبها

مش هتفرق بعد كده

بس احيانا بتمنى اسافر اى مدينه من المدن القديمه زى روما مثلا او اثينا اوصف ليا ترتيبات اجمل فرح ممكن تحضره

لو افترضنا انه هيبقى فرحى يا جدعان وهتجوز ده لو حصل يعنى

هيبقى بسيط جد

ا اول حاجه مافيش رقصه سلو بتاع العريس والعروسه دى مستحيل بوتاتا

ثانيا مافيش رقص خالص

مش عشان حرام وبس

كمان حاجه كده قلة قيمه بعيد عندكوا

ومالهاش اى معنى

اه

وكمان مافيش اكل

اتعشوا قبل ما تيجوا

بتراعى كلام الناس والقيل والقال؟

لو اه او لو لا قولى ليه؟

عقلى بيرفض انه يسمع

بس بسبب التربيه اللى اتربيتها بتأثر

بحاول اتجاهل القيل والقال ده

بسمع بس لحد عارف انه بيحبنى

او حد محترم بصفه عامه

انما الدودوه دى ولا بتودى ولا تجيب

والناس مش هيعجبها العجب

لا بيعجبهم المتواضع

ولا بيعجبهم اللى يعتز بنفسه ويحط مسافه مناسبه بينه وبين الناس صحيت مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

لو لقيت كمان كم صره من الدنانير

وعدد من الجوارى

والف من النوق العصافير

انما هكون سعيد كده وخلاص؟

ما تجيش

السعاده هى؟ سؤال صعب حير ناس كتير بس اعتقد الرضا

عندك أمل؟

أسبابك؟

بحاول يبقى عندى الحد الادنى

وليه بقى

لان الفرعون يحتضر

ولانه لا يوجد اسوأ مما حدث بالفعل

ولأن عقيدتنا ضد التشاؤم

وانا كل ما بكتئب بفتكر ان الرسول (ص) والصحابه الكرام عمرهم ما اكتأبوا ابدا

بحاول اكون زيهم

لما تحب تهرب من كل شئ بتروح فين؟

بقعد مع نفسى

بس لو حبيت اهرب منها مبعرفش اروح فين

امتى اول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

السنه اللى فاتت لما كملت 25 سنه

لما بتعمل عمل خيرى بيكون ايه هو دافعك الاول؟

انى اكون سبب سعادة اى حد

وانى الاقى حاجه اتسند عليها هناك

بتشرب سجاير؟

لو الاجابه اه ايه شعورك لو شفت ست بتشرب سجاير؟

وليه؟

لا ما بشربش

وهجاوب برضه على النص التانى

لو شفت ست بتدخن بضايق اكتر من لو شفت راجل

لانها فى الاصل ست برضه يا جدعان

لازم تبقى انثى

وانا مش متخيل انثى طالع من مناخيرها دخان الصراحه بتعرف ايدك اليمين من الشمال ازاى؟

ايه اللون ده؟

فكرتينى بواحد صاحبى

كنا فى امتحان الرمد العملى ( على المرضى) بيبقى مكتوب جب كل مريض السؤال الخاص بيه مثلا افحص العين اليمنى

صاحبى قال للست ايدك اللى بتاكلى بيها انهى واحده؟

عشان يعرف عينها اليمين من الشمال

الست قالتله الله وانا ايدى مالها ومال عينى؟

ايه اكتر اله موسيقيه بتحبها؟

الوتريات كلها

والاكتر الجيتار الاسبانى

فى رأيك ليه الذوق والنخوه اتعدموا؟ ده حكم مطلق مش موافق عليه

وبالتالى معنديش اجابه

ايه الحاجه اللى لو حصلتلك تبقى سعيد اوى؟؟؟

اللى لو حصلت لنا كلنا

الحريه اكيد

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

من الاخر يعنى سؤال مادى طحن

انا مش مادى

كل اللى بتمناه انى اعيش مرتاح بمعنى لما اعوز حاجه الاقيها

ومايفرقش معايا بعد كده معايا الف ولا مليون حتى

البحر و لا النيل؟؟؟

بما انى كل كم سنه على ما اشوف البحر

والنيل تقريبا بشوفه كل يوم

بقى بينى وبينه علاقه خاصه جدا

بس حاله ما يسرش للاسف

مركب و لا طياره؟؟

الاتنين اخرتهم غربه

وانا بترعب من الفكره دى

بس المراكب عندنا بتغرق

والطيارات غاليه

يبقى عجله احسن

مجنون و لا عاقل؟؟

ده انا يعنى؟

للاسف الشديد

عاقل

تقرى كتاب و لا تتفرج عليه فيلم؟

انا بحب السينما جدا

بس القرايه اكتر

وانا قريت روايات جميله جدا ما تنفعش خالص تتحول فيلم

لان السينما فى الاصل صوره ورؤية مخرج بينفذ سيناريو متاخد عن روايه

دى حاجه ودى حاجه

بتمرر التاج لمين؟؟؟ هو تاج مرهق جدا

ما يتعملش الا للحبايب وبس

وبناء عليه ايها الاخوه المواطنون

فانا هرجعه تانى للباشمهندزه مى

تطبيقاً لقاعدة اللى بنعمله فى الناس هيطلع علينا

وفى قول اخر هتقولهم لى نيللى نيللى اقولهم لك شريهان شريهان

وهمرره لصديقتى العزيزه روفى عشا ن هى بتحب التاجات جدا

وكمان لبلو روز

وبلوستون

لهذا يموت البعض

2007-09-08T01:37:00.000+03:00

قبل اليوم, كنت اعتقد أننا لا يمكن أن نكتب عن حياتنا إلا عندما نشفى منها .

عندما يمكن أن نلمس جراحنا القديمة بقلم , دون أن نتألم مرة أخرى .

عندما نقدر على النظر خلفنا دون حنين, دون جنون, ودون حقد أيضا .

أيمكن هذا حقاً ؟

نحن لا نشفى من ذاكرتنا .

ولهذا نحن نكتب, ولهذا نحن نرسم, ولهذا يموت بعضنا أيضا

*********

ما زلت أذكر قولك ذات يوم :

"الحب هو ما حدث بيننا. والأدب هو كل ما لم يحدث".

يمكنني اليوم, بعد ما انتهى كل شيء أن أقول :

هنيئا للأدب على فجيعتنا إذن فما اكبر مساحة ما لم يحدث .

إنها تصلح اليوم لأكثر من كتاب .

وهنيئا للحب أيضا ...فما أجمل الذي حدث بيننا ... ما أجمل الذي لم يحدث... ما أجمل الذي لن يحدث .

******** أحلام مستغانمى ذاكرة الجسد

متضامن مع ابراهيم عيسى

2007-09-05T01:46:00.000+03:00

أختلف مع ابراهيم عيسى كثيرا

ولا يعجبنى خط الدستور فى بعض الاحيان

ولكنى أتضامن معه فى محنته

او محنتنا جميعا

وهى بحق محنه لان البشائر تقول انه سيسجن هذه المره

ان كان قد اخطأ فليحاسب مهنيا بمعرفة النقابه

دعوه للتضامن معه

http://www.petitiononline.com/ibrissa2/petition.html

وكيف الهجر؟

2007-09-01T01:39:00.000+03:00

يقول الناس أن البعد

فرَّق بين قلبينا

فقلت بأننا بالبعد

أكثر قد تلاقينا

وكيف الهجر

والأشواق

قد عاشت حَوَالَينَا

عهدنا حبنا طيرا

وصار العش كفينا

هتمناله الخير

2007-08-24T01:47:00.000+03:00

هل للكراهيه جذور فى كل نفس بشريه؟

بمعنى هل كل انسان عنده استعداد للكراهيه ولكن هناك من يتغلب على هذه النزعه بداخله وهناك من لايفعل

ام هناك من لايستطيع الكراهيه حتى حين يريد ذلك

وهل هى دوماً شئٌ مذموم؟

أم أنها صفه بشريه علينا احتمالها باعتبارها قدراً ككونك مثلا تكتب بيدك اليسرى

وكونك حيت تكره فلاناً هذا ككرهك للسمك المشوى مثلا

شئٌ فطرىٌ لا دخل لك به

وهل تكون أحيانا مفيده ومخرجاً للإنسان من حالة انفجار قد تقتله حين يغدر به شخصٌ ما فيكتفى بكراهيته فى نفسه

بدلاً من أن يقتله مثلاً؟

ما معنى الكراهيه اصلا؟

هى هى المرادف لعدم الحب وفقط؟

ان كانت كذلك فما أكثرها اذن

ام لابد من ارتباطها بتمنى الشر لهذا الذى نكرهه؟

هل من الممكن ان ينقلب الحب إلى كراهيه

أياً كان نوع الحب سواء بين صديقين أو الحب بمعناه المعروف بين رجلٍ وامرأه؟

أم يمكننا حينها الشك فى حقيقة كونه حباً من الأصل؟

ألا يمكن حين تنتهى حالة الحب أن يعود الانسان لحالته كما كان قبلها

متعادلا فى شعوره تجاه الطرف الآخر بلا حبِ ولا كره؟

وهل يشفع له عندك ما كان بينكما قبل الفراق؟

ام لابد حين ينتهى الحب ان يستبدل بشعور مغاير؟

بعضهم يبالغ ويقول انه على قدر الحب تكون الكراهيه

هل أنا شريرٌ حين أكره شخصاً ما؟

أم أنه هو الشرير ولذلك أكرهه؟

ثارت فى ذهنى تلك الأسئله وانا استمع الى أنغام وهى تغنى (هتمناله الخير) فى ألبومها الأخير

هتمناله الخير

ايه يعنى يفوتنى وينسانى

ماهو ياما اتحمل علشانى

ماهوياما كان قلبه عليا

هتمناله الخير

ماهو قبل ما يجرحنى داوانى

كان عمرى وكان هو زمانى

كان قلبى وروحى وعنيا

هفتكر له حاجات كتير كانت ما بينا

هفتكر ايام هوانا والخطاوى اللى فى طريقنا

هفتكر لحظة لقانا وانسى لحظة ما افترقنا

لما كنا بنقسم الفرحه فى عيونا

هفتكرله حاجات كتير

هتمناله الخير

هتمناله الخير علشان يستاهل

دانا هتمنى تلف الدنيا تانى ونتقابل

قبل أفول الحب أتيت*

2007-08-19T01:01:00.000+03:00

يا من تسأل عن ميلادى

ذلك طيفٌ صار بعيدا
كنت بريئاً منذ قرونٍ
قلبى يوماً كان سعيدا
قبل أفول الحب أتيت
أحمل بين ضلوعى عيدا
قبل جفاف النهر نبتُّ
فى صحراء الكون وحيدا
كل حنين الأرض بروحى
نحو الطفل الهارب منى
أركض خلف العمر وحيدا
ذاك الطيف المدبر عنى
لا من فرحٍ أنسج شعرى
بل من وجع الروح أغنى
يا أفراح الناس خذينى
يا أحضان بلادى حنِّى
يا مشتاق العين لوطنٍ
يا منطفئ الروح كحالى
ما لبلادٍ رحلت عنا
ما لثراها ليس يبالى
حين يموت القلب غريباً
يذوى شوقاً فى ترحالى
يا أشواق الروح كفانى
ناراً تسرى فى الأوصال
يا طفلة أحلامى رفقاً
ولمسلوب الفرحة عودى
يا من بيت الروح لديها
يا وطنى يا سِّر صمودى
عودى يوماً يا آسرتى
أنشد فى عينيك وجودى
عشت غريباً صيرى وطنى
فى كفيك أقمت حدودى

*فى العشرين من اغسطس قبل 26 عاماً أتيت

الهلال مع الصليب00كله اتوحد بالتعذيب

2007-08-10T01:00:00.000+03:00

ضحية التعذيب فى المنصوره الاسبوع الماضى كان مسلما

وضحية التعذيب-برضه- فى العمرانيه جيزه كان مسيحيا

وحده وطنيه صحيح

*****

الكاريكاتير لعمرو سليم

بدون تعليق

الله أكبر يا عراق

2007-07-29T18:54:00.000+03:00

العرق بطلاً لاسيا فى كرة القدم للمره الأولى

فليفرح شعبنا العربى فى العراق ولو ليومٍ واحد

فليستعيدوا احساسا فارقهم طوال سنواتٍ أربع

فليحمدوا الله كثيرا ان خلق لهم كرة القدم

وليلعنوا السياسة واصحابها

لاعبو العراق انتصروا لانهم لعبوا صفا واحدا

ورفعوا علما واحدا

وظهروا بهويتهم العربيه

بلا دعم من الصديق الامريكى اللعين

ولا الجار العربى المتواطئ

العراق العظيم يستحق الفرحه

العراق سيفرح قريباً ودائماً بإن الله

الله أكبر يا عراق

************

مهما تعالت صيحة البهتان فى الزمن العمى

فهناك فى الأفق يبدو سرب أحلامٍ

يعانق أنجمى

مهما توارى الحلم عن عينيك

قومى

واحلمى

ولتنثرى فى ماء دجلة أعظمى

فالصبح سوف يطل يوماً

فى مواكب مأتمى

الله أكبر من دمار الحرب يا بغداد

والزمن البغيض الظالم

الله أكبر من سماسرة الحروب

على الشعوب

وكل تجار الدم

بغداد لا تتألمى

*********

الأبيات لفاروق جويده

الليله دى00قالتى قول00خليك معايا

2007-07-18T20:50:00.000+03:00

بتكلم عن شريط عمرو دياب الجديد

بخلاف محمد منير اللى بيغنى للانسان وللحريه والوطن انا مقتنع ان محدش بيغنى خالص(بالمعنى اللى انا اعرفه للغنا)او بمعنى اصح محدش عنده مشروع او فكره بيحاول يوصلها من خلال اغانيه
ومع كده انا معجب بعمرو دياب من زاوية اصراره على انه ينجح ويستمر ويبقى مختلف لدرجة ان كل الناس بتستناه ينزل بحاجه جديده عشان يقلدوه او يسرقوه بمعنى اصح(يسرقوا الشريط نفسه او يسرقوا افكاره والحانه

ده حتى لما اعلن ان شريطه هيبقى اسمه خليك معايا ودى فعلا احلى اغانى الشريط افتكسوا بوستر بنفس الاسم

والحقيقه هو كان احلى من البوستر اللى هو عمله وطالع فيه مصيف على الاخر
اغانى الشريط كلها ما خرجتش عن الحب بين واحد وواحده اللى تقريبا استهلكت وزهقنا منها بمعانيها المختلفه وتقريبا ما عجبنيش غير اغنيتين هما الليله دى وخليك معايا

اغنيه تالته بقى لفت نظرى معناها وخصوصا انى فكرت فيه قبل كده وهى اغنية (قالتلى قول ) واحده بتصر ان حبيبها يحكيلها عن علاقته بواحده قبلها وانا كان فعلا حبها ولا لا
ولما تعرف انه حبها بتنجرح لدرجة انه بيندم انه كان صريح معاها ويقول ياريتنى قلت ما حبيتهاش
انا كنت سمعت مقوله بتقول ان الرجل يهمه ان يكون الاول فى حياة المرأه بينما المرأه يهمها ان تكون الاخيره فى حياته
بالنسبه لحتة الرجل دى فأنا متفق معاها بمعنى انه الرجل ممكن يرتبط بواحده كانت حبت واحد قبل كده او اتخطبت له او حتى اتجوزته بشرط انها تكون نسيته تماما وبيفرح اوى لو كان اول واحد فى حياتها

انما بالنسبه للمرأه فانا الصراحه مش عارف ان كان فعلا بيهمها بس انها تكون الاخيره حتى لو كان فيه قبلها حد ولا ايه

من دفتر قلبٍ مهزوم

2007-07-15T03:15:00.000+03:00

باحت عيناها فى صمتٍ

والصمت كلام

أهواك و أشتاق وصالاً

وأراك بكل الأحلام

لا تنتظرى

حباً من قلبٍ مهزومٍ

والعمر يحاصر فى دأبٍ

والحلم يضام

نبتاً من زرعٍ محرومٍ

يهفو لأكفٍ ترعاه

يشتاق غمام

فالحلم مهانٌ فى بلدى

والحب حرام

والوالى يضحك فى صخبٍ

والكل تمام

عفواً لا أصلح كحبيبٍ

يهديك الأزهار صباحا

وبطاقة شوقٍ وغرام
أو ليلاً ينشد أشعاراً
ويبوس عيونك وينام
لن آتى يوماً بجوادٍ
فالحلم محاصر فى قلبى

والفارس نام